حارث بن قیس رحمہ اللہ نے سیدنا عبداللہ بن مسعود رضی اللہ عنہ سے کہا: ”اللہ کے ہاں ہم اس چیز کا اجر امید رکھتے ہیں جس میں تم، اے صحابۂ محمد صلی اللہ علیہ وسلم ، ہم سے سبقت لے گئے، یعنی رسول اللہ صلی اللہ علیہ وسلم کو دیکھنے کا شرف حاصل کیا۔“ تو سیدنا عبداللہ بن مسعود رضی اللہ عنہ نے فرمایا: ”ہم تمہارے اس ایمان کا اجر اللہ سے امید رکھتے ہیں جو تم محمد صلی اللہ علیہ وسلم پر لائے حالانکہ تم نے انہیں نہیں دیکھا۔“ [سنن سعید بن منصور/كتاب التفسير/حدیث: 181]

ابو رجاء رحمہ اللہ سے روایت کرتے ہیں کہ: ان میں سے ایک نے ﴿غِشَاوَةٌ﴾ پڑھا اور دوسرے نے ﴿غَشْوَةٌ﴾ پڑھا۔ [سنن سعید بن منصور/كتاب التفسير/حدیث: 182]

عباد بن راشد رحمہ اللہ کہتے ہیں کہ میں نے حسن بصری رحمہ اللہ کو ﴿يَكَادُ الْبَرْقُ يَخْطَفُ أَبْصَارَهُمْ﴾ پڑھتے ہوئے سنا۔ [سنن سعید بن منصور/كتاب التفسير/حدیث: 183]

سفیان رحمہ اللہ، ابن ابی نجیل یا رحمہ اللہ سے یا کسی اور سے، وہ مججب رحمہ اللہ سے روایت کرتے ہیں کہ اللہ عزوجل کے فرمائن «إِنِّي أَعْلَمُ مَا لَا تَعْلَمُونَ» کے﴾ بارے میں انہوں نے کہا: ”للہ تعالیٰ کو معلوم تھا کہ ابلیس نافرمانی کرے گا، اور اسی کے لیے اسے پیدا کیا۔“ [سنن سعید بن منصور/كتاب التفسير/حدیث: 184]

مہدی بن میمون رحمہ اللہ کہتے ہیں کہ ہم حسن بصری رحمہ اللہ کے پاس تھے، تو حسن بن دینار نے ان سے سوال کیا: اے ابو سعید! اللہ عزوجل کا فرشتوں سے فرمان: ﴿وَأَعْلَمُ مَا تُبْدُونَ وَمَا كُنْتُمْ تَكْتُمُونَ﴾ (اور میں جانتا ہوں جو تم ظاہر کرتے ہو اور جو تم چھپاتے تھے)، تو فرشتوں نے کیا چیز چھپائی تھی؟ حسن بصری رحمہ اللہ نے فرمایا: جب اللہ عزوجل نے آدم علیہ السلام کو پیدا کیا تو فرشتوں نے ایک حیرت انگیز مخلوق دیکھی، تو ان کے دلوں میں کچھ خیال پیدا ہوا۔ پھر وہ آپس میں سرگوشی کرنے لگے اور کہنے لگے: ”تمہے اس مخلوق کے بارے میں کیوں فکر ہو رہی ہے؟ یقیناً اللہ عزوجل کوئی بھی مخلوق پیدا کرے، ہم ہمیشہ اس کے ہاں اس سے برتر رہیں گے۔“ [سنن سعید بن منصور/كتاب التفسير/حدیث: 185]

حسن بن یزید اصم رحمہ اللہ کہتے ہیں کہ میں نے سدی رحمہ اللہ کو اس آیتِ مبارکہ کی تفسیر میں فرماتے ہوئے سنا: ﴿فَتَلَقَّىٰ آدمُ مِن رَّبِّهِ كَلِمَاتٍ فَتَابَ عَلَيْهِ إِنَّهُ هُوَ التَّوَّابُ الرَّحِيمُ﴾ (پھر آدم نے اپنے رب سے چند کلمات سیکھے، تو اللہ نے ان کی توبہ قبول کر لی، بے شک وہی توبہ قبول کرنے والا، رحم کرنے والا ہے)۔ سدی رحمہ اللہ نے فرمایا: آدم علیہ السلام نے عرض کیا: ”اے رب! تو نے مجھے اپنے ہاتھ سے پیدا کیا، اور اپنی روح میں سے مجھ میں پھونکا، اور تیری رحمت تیرے غضب پر سبقت لے گئی۔ اگر میں توبہ کروں اور اپنی اصلاح کر لوں، تو کیا تو مجھے جنت میں واپس لوٹا دے گا؟“ تو کہا گیا: ”ہاں۔“ [سنن سعید بن منصور/كتاب التفسير/حدیث: 186]

سیدنا ابو ہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: "جب ابن آدم سجدے والی آیت تلاوت کرے اور سجدہ کرے، تو شیطان روتا ہوا الگ ہو جاتا ہے اور کہتا ہے: 'ہائے میری بربادی! ابن آدم کو سجدے کا حکم دیا گیا، اس نے سجدہ کیا، پس اس کے لیے جنت ہے۔ اور مجھے سجدے کا حکم دیا گیا، میں نے انکار کیا، پس میرے لیے جہنم ہے۔'" [سنن سعید بن منصور/كتاب التفسير/حدیث: 187]

جعدہ بن ہبیرہ رحمہ اللہ کہتے ہیں: "وہ درخت جس کے سبب سیدنا آدم علیہ السلام آزمائش میں مبتلا ہوئے، وہ انگور کا درخت تھا، اور یہی درخت ان کی اولاد کے لیے بھی آزمائش بنا دیا گیا۔" [سنن سعید بن منصور/كتاب التفسير/حدیث: 188]

سیدنا عبداللہ بن عباس رضی اللہ عنہما ایک سفر میں تھے کہ انہیں ان کے بیٹے کے انتقال کی خبر دی گئی۔ تو وہ رکے، دو رکعت نماز ادا کی، پھر ﴿إِنَّا لِلَّهِ وَإِنَّا إِلَيْهِ رَاجِعُونَ﴾ پڑھا اور فرمایا: ”ہم نے وہی کیا جس کا اللہ تعالیٰ نے ہمیں حکم دیا ہے: ﴿وَاسْتَعِينُوا بِالصَّبْرِ وَالصَّلَاةِ﴾ (اور صبر اور نماز سے مدد حاصل کرو)۔“ [سنن سعید بن منصور/كتاب التفسير/حدیث: 189]

ابو مالک رحمہ اللہ آیت ﴿وَفُومِهَا﴾ کی تفسیر میں فرماتے ہیں: "اس سے مراد گندم (حنطہ) ہے۔" [سنن سعید بن منصور/كتاب التفسير/حدیث: 190]