اردو حاشہ:
فوائد و مسائل:
(1)
مذکورہ روایت کو ہمارے فاضل محقق نے سنداً ضعیف قرار دیا ہے۔
جبکہ دیگر محققین نے اسے صحیح قرار دیا ہے۔
تفصیل کےلئے دیکھئے: (تخریج المختارۃ، رقم: 452، وسنن ابن ماجہ للدکتور بشار عواد، حدیث: 1467)

(2)
غسل دینے سے قبل میت کا پیٹ آہستہ سے ملنا چاہیے۔
اگر کوئی نجاست ظاہر ہو تو اسے دھو دیا جائے۔

(3)
اس حدیث میں اسطرف اشارہ ہے کہ عام طور اس پرمیت سے ایسی چیز نظر آ جاتی ہے۔
لیکن رسول اللہ صلی اللہ علیہ وسلم سے ایسی کوئی چیز ظاہر نہیں ہوئی۔
رسول اللہ صلی اللہ علیہ وسلم کو غسل دینے والے حضرات یہ تھے۔
حضرت عباس رضی اللہ تعالیٰ عنہ، حضرت علی رضی اللہ تعالیٰ عنہ، حضرت عباس کے دو صاحبزادے فضل اور قثم رضوان اللہ عليہم اجمعین رسول اللہ صلی اللہ علیہ وسلم کے آزاد کردہ غلام حضرت شقران رضی اللہ تعالیٰ عنہ، حضرت اسامہ بن زید رضی اللہ تعالیٰ عنہ اور حضرت اوس بن خولی رضی اللہ تعالیٰ عنہ، حضرت عباس رضی اللہ تعالیٰ عنہ حضرت فضل اورحضرت قثم رضوان للہ عليہم اجمعین آپ صلی اللہ علیہ وسلم کی کروٹ بدل رہ تھے۔
حضرت اسامہ اورشقران رضی اللہ تعالیٰ عنہم پانی بہا رہے تھے حضرت علی رضی اللہ تعالیٰ عنہ غسل دے رہے تھے۔
اور حضرت اوس رضی اللہ تعالیٰ عنہ نے آپ کو اپنے سینے سے ٹیک دے رکھی تھی (الرحیق المختوم، ص: 633)