”اے ایمان والو! ان پاکیزہ چیزوں کو اپنے اوپر حرام نہ ٹھہراؤ جو اللہ نے تمہارے لیے حلال فرمائی ہیں اور (اللہ کی مقرر کردہ حدود سے) تجاوز نہ کرو؛ بلاشبہ اللہ تعالیٰ حد سے بڑھنے والوں کو پسند نہیں فرماتا۔“

اللہ تعالیٰ کے اس ارشاد کا بیان کہ ”اللہ تمہاری ان قسموں پر تمہاری گرفت نہیں فرماتا جو تم لغو (غیر ارادی طور پر) کھا لیتے ہو، لیکن وہ تمہاری ان پختہ قسموں پر مواخذہ فرماتا ہے جنہیں تم (ارادہ و قصد کے ساتھ) مستحکم کر لو، پس ایسی قسم (کے توڑنے) کا کفارہ دس مسکینوں کو اس درمیانے درجے کا کھانا کھلانا ہے جو تم اپنے گھر والوں کو کھلاتے ہو، یا انہیں کپڑے پہنانا ہے یا پھر ایک غلام آزاد کرنا ہے، پھر جس شخص کو یہ میسر نہ ہو تو وہ تین دن کے روزے رکھے، یہ تمہاری قسموں کا کفارہ ہے جب تم قسم کھا لو (اور اسے توڑ دو)، اور اپنی قسموں کی حفاظت کیا کرو، اسی طرح اللہ تمہارے لیے اپنے احکامات کھول کر بیان کرتا ہے تاکہ تم شکر گزار بنو۔“

اللہ تعالیٰ کے اس ارشاد کے بیان میں ہے ”اے ایمان والو! حقیقت یہی ہے کہ شراب، جوا، بتوں کے تھان اور فال نکالنے کے تیر، یہ سب ناپاک شیطانی کام ہیں، لہٰذا تم ان سے مکمل اجتناب کرو تاکہ تم فلاح پا سکو۔“