(نبی کریم صلی اللہ علیہ وسلم نے فرمایا:)
”جب نماز کھڑی ہو جائے تو اس کی طرف دوڑتے ہوئے نہ آؤ بلکہ چلتے ہوئے آؤ اور تم پر وقار و سکینت لازم ہے، پس جو (نماز امام کے ساتھ) مل جائے اسے پڑھ لو اور جو چھوٹ جائے اسے (بعد میں) پورا کر لو۔“ [صحيح الجامع الصغير وزيادته/[حرف الألف] -- أد/حدیث: 369]

(نبی کریم صلی اللہ علیہ وسلم نے فرمایا:)
”جب نماز کھڑی ہو جائے تو اس وقت تک کھڑے نہ ہوا کرو جب تک مجھے (حجرے سے نکلتا ہوا) نہ دیکھ لو۔“ [صحيح الجامع الصغير وزيادته/[حرف الألف] -- أد/حدیث: 370]

(نبی کریم صلی اللہ علیہ وسلم نے فرمایا:)
”جب نماز (فرض) کھڑی ہو جائے تو فرض نماز کے سوا کوئی نماز نہیں (پڑھی جائے گی)۔“ [صحيح الجامع الصغير وزيادته/[حرف الألف] -- أد/حدیث: 371]

(نبی کریم صلی اللہ علیہ وسلم نے فرمایا:)
”جب نماز کھڑی ہو جائے اور تم میں سے کوئی روزے سے ہو تو اسے مغرب کی نماز سے پہلے رات کے کھانے (افطار) سے ابتدا کرنی چاہیے، اور اپنے رات کے کھانے سے جلدی نہ کرو۔“ [صحيح الجامع الصغير وزيادته/[حرف الألف] -- أد/حدیث: 372]

(نبی کریم صلی اللہ علیہ وسلم نے فرمایا:)
”جب نماز کھڑی ہو جائے اور آدمی قضاء حاجت کا ارادہ رکھتا ہو تو اسے چاہیے کہ پہلے قضاء حاجت کے لیے جائے۔“ [صحيح الجامع الصغير وزيادته/[حرف الألف] -- أد/حدیث: 373]

(نبی کریم صلی اللہ علیہ وسلم نے فرمایا:)
”جب نماز کھڑی ہو جائے اور رات کا کھانا سامنے آ جائے تو پہلے رات کا کھانا کھا لو۔“ [صحيح الجامع الصغير وزيادته/[حرف الألف] -- أد/حدیث: 374]

(نبی کریم صلی اللہ علیہ وسلم نے فرمایا:)
”جب تم میں سے کوئی سرمہ لگائے تو طاق عدد میں لگائے، اور جب پتھروں سے استنجاء کرے تو طاق عدد استعمال کرے۔“ [صحيح الجامع الصغير وزيادته/[حرف الألف] -- أد/حدیث: 375]

(نبی کریم صلی اللہ علیہ وسلم نے فرمایا:)
”جب وہ (دشمن) تمہارے قریب آ جائیں تو ان پر تیر برساؤ اور (آخری وقت کے لیے) اپنے کچھ تیر بچا کر رکھو۔“ [صحيح الجامع الصغير وزيادته/[حرف الألف] -- أد/حدیث: 376]

(نبی کریم صلی اللہ علیہ وسلم نے فرمایا:)
”جب کوئی آدمی اپنے (مسلمان) بھائی کو کافر کہے، تو ان دونوں میں سے ایک ضرور اس (کفر) کے ساتھ لوٹے گا۔“ [صحيح الجامع الصغير وزيادته/[حرف الألف] -- أد/حدیث: 377]

(نبی کریم صلی اللہ علیہ وسلم نے فرمایا:)
”جب تم میں سے کوئی کھانا کھا رہا ہو اور اس کا لقمہ گر جائے، تو اس پر لگنے والی گندگی کو ہٹا دے اور پھر اسے کھا لے، اور اسے شیطان کے لیے نہ چھوڑے۔“ [صحيح الجامع الصغير وزيادته/[حرف الألف] -- أد/حدیث: 378]