(نبی کریم صلی اللہ علیہ وسلم نے فرمایا:)
”جب تم میں سے کوئی شخص کسی ایسی چیز کی طرف رخ کر کے نماز پڑھے جو اسے لوگوں سے آڑ فراہم کرے، اور کوئی شخص اس کے آگے سے گزرنا چاہے تو وہ اسے روکے، پس اگر وہ نہ مانے تو اس سے سختی سے پیش آئے (لڑائی کی حد تک دھکا دے)، کیونکہ وہ شیطان ہی ہے۔“ [صحيح الجامع الصغير وزيادته/[حرف الألف] -- أد/حدیث: 638]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص جمعہ کی نماز پڑھ لے تو وہ اس کے بعد اس وقت تک کوئی (نفل و سنت) نماز نہ پڑھے جب تک کہ وہ کوئی بات نہ کر لے یا (مسجد سے) باہر نہ نکل جائے۔“ [صحيح الجامع الصغير وزيادته/[حرف الألف] -- أد/حدیث: 639]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص جمعہ کی نماز پڑھ لے تو اسے چاہیے کہ اس کے بعد چار رکعتیں (سنتیں) پڑھے۔“ [صحيح الجامع الصغير وزيادته/[حرف الألف] -- أد/حدیث: 640]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص نماز پڑھے تو اسے چاہیے کہ وہ سترہ (آڑ) کی طرف منہ کر کے پڑھے اور اس کے قریب ہو کر کھڑا ہو، اور کسی کو اپنے آگے سے نہ گزرنے دے، پس اگر کوئی گزرنے لگے تو وہ اس سے سختی سے پیش آئے، کیونکہ وہ شیطان ہی ہے۔“ [صحيح الجامع الصغير وزيادته/[حرف الألف] -- أد/حدیث: 641]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص فجر کی (سنتوں کی) دو رکعتیں پڑھ لے تو اسے چاہیے کہ وہ اپنی دائیں کروٹ پر لیٹ جائے۔“ [صحيح الجامع الصغير وزيادته/[حرف الألف] -- أد/حدیث: 642]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص نماز پڑھے اور اپنے جوتے اتارے، تو وہ ان کے ذریعے کسی کو تکلیف نہ پہنچائے، اسے چاہیے کہ وہ انہیں اپنے دونوں پیروں کے درمیان رکھ لے یا پھر انہیں پہن کر ہی نماز پڑھ لے۔“ [صحيح الجامع الصغير وزيادته/[حرف الألف] -- أد/حدیث: 643]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص نماز پڑھے تو وہ اپنے آگے یا اپنی دائیں جانب نہ تھوکے، بلکہ اسے چاہیے کہ وہ اپنی بائیں جانب یا اپنے پاؤں کے نیچے تھوکے۔“ [صحيح الجامع الصغير وزيادته/[حرف الألف] -- أد/حدیث: 644]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص نماز پڑھے تو وہ اپنے جوتے اپنی دائیں جانب یا بائیں جانب نہ رکھے کہ وہ کسی دوسرے کی دائیں جانب ہو جائیں، سوائے اس کے کہ اس کی بائیں جانب کوئی نہ ہو۔ اور اسے چاہیے کہ وہ انہیں اپنے پیروں کے درمیان رکھ لے۔“ [صحيح الجامع الصغير وزيادته/[حرف الألف] -- أد/حدیث: 645]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص نماز پڑھے اور اسے یہ معلوم نہ رہے کہ اس نے کیسی نماز پڑھی ہے (یعنی رکعتوں کی تعداد میں شک ہو جائے)، تو وہ بیٹھی ہوئی حالت میں (سجدہ سہو کے) دو سجدے کر لے۔“ [صحيح الجامع الصغير وزيادته/[حرف الألف] -- أد/حدیث: 646]

(نبی کریم صلی اللہ علیہ وسلم نے فرمایا:)
”جب تم میں سے کوئی شخص نماز پڑھے تو اسے چاہیے کہ وہ تہبند باندھے اور چادر بھی اوڑھے (یعنی لباس مکمل اور باوقار ہو)۔“ [صحيح الجامع الصغير وزيادته/[حرف الألف] -- أد/حدیث: 647]