(نبی کریم صلی اللہ علیہ وسلم نے فرمایا:)
”بے شک جن چیزوں سے تم بڑھاپے کی اس سفیدی (سفید بالوں) کو تبدیل کرتے ہو ان میں سب سے بہترین مہندی اور کتم (ایک قسم کا پودا جس کا رنگ سیاہی مائل سرخ ہوتا ہے) ہیں۔“ [صحيح الجامع الصغير وزيادته/[حرف الألف] -- أنا/حدیث: 1546]

(نبی کریم صلی اللہ علیہ وسلم نے فرمایا:)
”بے شک شرائط میں سے سب سے زیادہ حق دار شرط جس کو تم پورا کرو وہ ہے جس کے ذریعے تم نے شرمگاہوں کو اپنے لیے حلال کیا ہے (یعنی نکاح کی شرائط)۔“ [صحيح الجامع الصغير وزيادته/[حرف الألف] -- أنا/حدیث: 1547]

(نبی کریم صلی اللہ علیہ وسلم نے فرمایا:)
”بے شک جن چیزوں پر تم اجرت لیتے ہو ان میں سب سے زیادہ حق دار اللہ کی کتاب ہے (یعنی قرآن کی تعلیم دینے یا اس سے دم کرنے پر اجرت لینا)۔“ [صحيح الجامع الصغير وزيادته/[حرف الألف] -- أنا/حدیث: 1548]

(نبی کریم صلی اللہ علیہ وسلم نے فرمایا:)
”بلاشبہ تمہارے بھائی نجاشی وفات پا گئے ہیں، لہٰذا کھڑے ہو جاؤ اور ان کی نمازِ جنازہ ادا کرو۔“ [صحيح الجامع الصغير وزيادته/[حرف الألف] -- أنا/حدیث: 1549]

(نبی کریم صلی اللہ علیہ وسلم نے فرمایا:)
”بے شک تمہارا بھائی اپنے قرض کی وجہ سے (جنت میں جانے سے) روکا ہوا ہے، لہٰذا تم اس کی طرف سے قرض ادا کر دو۔“ [صحيح الجامع الصغير وزيادته/[حرف الألف] -- أنا/حدیث: 1550]

(نبی کریم صلی اللہ علیہ وسلم نے فرمایا:)
”بلاشبہ مجھے اپنی امت پر سب سے زیادہ خوف گمراہ کرنے والے پیشواؤں کا ہے۔“ [صحيح الجامع الصغير وزيادته/[حرف الألف] -- أنا/حدیث: 1551]

(نبی کریم صلی اللہ علیہ وسلم نے فرمایا:)
”بلاشبہ مجھے اپنی امت کے بارے میں سب سے زیادہ ڈر قومِ لوط والے عمل (ہم جنس پرستی) کا ہے۔“ [صحيح الجامع الصغير وزيادته/[حرف الألف] -- أنا/حدیث: 1552]

(نبی کریم صلی اللہ علیہ وسلم نے فرمایا:)
”بلاشبہ مجھے اپنی امت پر ان کے آخری زمانے میں سب سے زیادہ خوف ستاروں (کے اثرات پر یقین رکھنے)، تقدیر کو جھٹلانے اور بادشاہ کے ظلم کا ہے۔“ [صحيح الجامع الصغير وزيادته/[حرف الألف] -- أنا/حدیث: 1553]

(نبی کریم صلی اللہ علیہ وسلم نے فرمایا:)
”بلاشبہ مجھے اپنی امت پر سب سے زیادہ خوف ہر اس منافق کا ہے جو زبان کا بڑا ماہر (چرب زبان) ہو۔“ [صحيح الجامع الصغير وزيادته/[حرف الألف] -- أنا/حدیث: 1554]

(نبی کریم صلی اللہ علیہ وسلم نے فرمایا:)
”بے شک مجھے تم پر سب سے زیادہ ڈر شرکِ اصغر یعنی ریاکاری کا ہے، قیامت کے دن جب لوگوں کو ان کے اعمال کا بدلہ دیا جائے گا تو اللہ تعالیٰ فرمائے گا: تم ان لوگوں کے پاس جاؤ جنہیں تم دنیا میں دکھاوا کرتے تھے، پھر دیکھو کہ کیا تم ان کے پاس کوئی جزا پاتے ہو؟“ [صحيح الجامع الصغير وزيادته/[حرف الألف] -- أنا/حدیث: 1555]