(نبی کریم صلی اللہ علیہ وسلم نے فرمایا:)
”بلاشبہ انبیاء اس بات پر فخر کریں گے کہ ان میں سے کس کی امت کے لوگ زیادہ ہیں، پس میں امید کرتا ہوں کہ اس دن حوض پر آنے والے میرے امتی ان سب سے زیادہ ہوں گے۔ اور بلاشبہ اس دن ان (انبیاء) میں سے ہر ایک اپنے بھرے ہوئے حوض پر کھڑا ہوگا، اس کے ہاتھ میں ایک عصا ہوگا اور وہ اپنی امت کے پہچانے جانے والے لوگوں کو بلائے گا، اور ہر امت کی ایک خاص علامت ہوگی جس سے ان کا نبی انہیں پہچان لے گا۔“ [صحيح الجامع الصغير وزيادته/[حرف الألف] -- أنا/حدیث: 1586]

(نبی کریم صلی اللہ علیہ وسلم نے فرمایا:)
”بلاشبہ انصار نے وہ ذمہ داری پوری کر دی ہے جو ان پر عائد ہوتی تھی اور اب وہ ذمہ داری باقی ہے جو تم پر عائد ہوتی ہے (یعنی ان کے حقوق ادا کرنا)، لہٰذا تم ان کے نیکوکار کی نیکی کو قبول کرو اور ان کے خطاکار کی غلطی سے درگزر کرو۔“ [صحيح الجامع الصغير وزيادته/[حرف الألف] -- أنا/حدیث: 1587]

(نبی کریم صلی اللہ علیہ وسلم نے فرمایا:)
”بلاشبہ برتن کسی چیز کو حرام نہیں کرتے، لہٰذا تم جس برتن میں چاہو نبیذ (پانی میں کھجور یا کشمش بھگو کر بنایا گیا شربت) بناؤ، البتہ ہر نشہ آور چیز سے پرہیز کرو۔“ [صحيح الجامع الصغير وزيادته/[حرف الألف] -- أنا/حدیث: 1588]

(نبی کریم صلی اللہ علیہ وسلم نے فرمایا:)
”بلاشبہ ایمان مدینہ کی طرف اس طرح سمٹ آئے گا جس طرح سانپ اپنے بل کی طرف سمٹ آتا ہے۔“ [صحيح الجامع الصغير وزيادته/[حرف الألف] -- أنا/حدیث: 1589]

(نبی کریم صلی اللہ علیہ وسلم نے فرمایا:)
”بلاشبہ تم میں سے کسی کے سینے میں ایمان اس طرح پرانا (اور بوسیدہ) ہو جاتا ہے جیسے کپڑا پرانا ہو جاتا ہے، لہٰذا تم اللہ تعالیٰ سے دعا مانگا کرو کہ وہ تمہارے دلوں میں ایمان کو تازہ کر دے۔“ [صحيح الجامع الصغير وزيادته/[حرف الألف] -- أنا/حدیث: 1590]

(نبی کریم صلی اللہ علیہ وسلم نے فرمایا:)
”بلاشبہ برکت کھانے کے درمیان میں نازل ہوتی ہے، لہٰذا تم اس کے کناروں سے کھایا کرو اور اس کے درمیان سے نہ کھایا کرو۔“ [صحيح الجامع الصغير وزيادته/[حرف الألف] -- أنا/حدیث: 1591]

(نبی کریم صلی اللہ علیہ وسلم نے فرمایا:)
”بلاشبہ مجھ سے محبت کرنے والے کی طرف آزمائشیں اس سے بھی زیادہ تیزی سے آتی ہیں جتنی تیزی سے سیلاب کا پانی اپنی آخری منزل (یا نشیب) کی طرف بہتا ہے۔“ [صحيح الجامع الصغير وزيادته/[حرف الألف] -- أنا/حدیث: 1592]

(نبی کریم صلی اللہ علیہ وسلم نے فرمایا:)
”بلاشبہ جس گھر میں تصویریں (یا مجسمے) ہوں، اس میں (رحمت کے) فرشتے داخل نہیں ہوتے۔“ [صحيح الجامع الصغير وزيادته/[حرف الألف] -- أنا/حدیث: 1593]

(نبی کریم صلی اللہ علیہ وسلم نے فرمایا:)
”بلاشبہ (ناجائز طریقے اپنانے والے اور دھوکہ دینے والے) تاجر ہی فاجر (بدکار) ہیں۔“ [صحيح الجامع الصغير وزيادته/[حرف الألف] -- أنا/حدیث: 1594]

(نبی کریم صلی اللہ علیہ وسلم نے فرمایا:)
”بلاشبہ (قربانی میں) جذعہ (چھ ماہ سے ایک سال تک کا بچہ) بھی اسی طرح کفایت کر جاتا ہے جس طرح ثنیہ (دو دانتا جانور) کفایت کرتا ہے۔“ [صحيح الجامع الصغير وزيادته/[حرف الألف] -- أنا/حدیث: 1595]