(نبی کریم صلی اللہ علیہ وسلم نے فرمایا:)
”اگر قرآن کو کسی چمڑے میں جمع کر دیا جائے تو اللہ تعالیٰ اسے آگ سے نہیں جلائے گا۔“ [صحيح الجامع الصغير وزيادته/حرف اللام./حدیث: 5266]

(نبی کریم صلی اللہ علیہ وسلم نے فرمایا:)
”کاش تم ہماری اونٹنیوں کے پاس نکل جاتے اور ان کا دودھ اور پیشاب پیتے۔“ [صحيح الجامع الصغير وزيادته/حرف اللام./حدیث: 5267]

(نبی کریم صلی اللہ علیہ وسلم نے فرمایا:)
”اگر مجھے بکری کی اگلی ران یا پائے پر دعوت دی جائے تو میں قبول کروں گا، اور اگر مجھے اگلی ران یا پائے کا تحفہ دیا جائے تو میں قبول کروں گا۔“ [صحيح الجامع الصغير وزيادته/حرف اللام./حدیث: 5268]

(نبی کریم صلی اللہ علیہ وسلم نے فرمایا:)
”اگر وہ میرے قریب آتا تو فرشتے اسے اعضا در اعضا اچک لیتے۔ (مراد ابو جہل سے تھی)۔“ [صحيح الجامع الصغير وزيادته/حرف اللام./حدیث: 5269]

(نبی کریم صلی اللہ علیہ وسلم نے فرمایا:)
”اگر تم مجھے دیکھتے کہ میں گزشتہ رات تمہاری قراءت سن رہا تھا تو تمہیں معلوم ہوتا کہ تمہیں آلِ داؤد کی بانسریوں میں سے ایک بانسری (جیسی آواز) عطا کی گئی ہے۔“ [صحيح الجامع الصغير وزيادته/حرف اللام./حدیث: 5270]

(نبی کریم صلی اللہ علیہ وسلم نے فرمایا:)
”اگر میں کسی کو بغیر گواہی کے سنگسار کرتا تو اس عورت کو سنگسار کر دیتا۔“ [صحيح الجامع الصغير وزيادته/حرف اللام./حدیث: 5271]

(نبی کریم صلی اللہ علیہ وسلم نے فرمایا:)
”اگر ابراہیم زندہ رہتے تو صدیق، نبی ہوتے۔“ [صحيح الجامع الصغير وزيادته/حرف اللام./حدیث: 5272]

(نبی کریم صلی اللہ علیہ وسلم نے فرمایا:)
”اگر مجھے معلوم ہوتا کہ تم جھانک رہے ہو تو میں یہ سلائی تمہاری آنکھ میں گھونپ دیتا، اجازت طلب کرنا تو صرف نظر (کی حفاظت) کی خاطر مقرر کیا گیا ہے۔“ [صحيح الجامع الصغير وزيادته/حرف اللام./حدیث: 5273]

(نبی کریم صلی اللہ علیہ وسلم نے فرمایا:)
”اگر تمہیں وہ (زیادتی) بخش دی جائے جو تم جانوروں کے ساتھ کرتے ہو تو تمہیں بہت کچھ بخش دیا جائے۔“ [صحيح الجامع الصغير وزيادته/حرف اللام./حدیث: 5274]

(نبی کریم صلی اللہ علیہ وسلم نے فرمایا:)
”اگر مقدر ہو چکا ہوتا تو ہو جاتا۔“ [صحيح الجامع الصغير وزيادته/حرف اللام./حدیث: 5275]