(نبی کریم صلی اللہ علیہ وسلم نے فرمایا:)
”ہمارے لیے بری مثال جائز نہیں، اپنا ہدیہ واپس لینے والا اس کتے کی طرح ہے جو اپنی قے کی طرف لوٹتا ہے۔“ [صحيح الجامع الصغير وزيادته/حرف اللام./حدیث: 5426]

(نبی کریم صلی اللہ علیہ وسلم نے فرمایا:)
”میرے لیے جائز نہیں کہ میں کسی سجے ہوئے گھر میں داخل ہوں۔“ [صحيح الجامع الصغير وزيادته/حرف اللام./حدیث: 5427]

(نبی کریم صلی اللہ علیہ وسلم نے فرمایا:)
”سفر میں روزہ رکھنا نیکی میں سے نہیں۔“ [صحيح الجامع الصغير وزيادته/حرف اللام./حدیث: 5428]

(نبی کریم صلی اللہ علیہ وسلم نے فرمایا:)
”سفر میں روزہ رکھنا نیکی میں سے نہیں، لہٰذا تم اللہ کی اس رخصت کو اپنا لو جو اس نے تمہیں دی ہے، اسے قبول کر لو۔“ [صحيح الجامع الصغير وزيادته/حرف اللام./حدیث: 5429]

(نبی کریم صلی اللہ علیہ وسلم نے فرمایا:)
”کوئی شہر ایسا نہیں جس میں دجال قدم نہ رکھے، سوائے مکہ اور مدینہ کے، اور ان کے کسی بھی راستے پر فرشتے صف بستہ کھڑے ہو کر اس کی حفاظت کریں گے، وہ کھارے میدان میں ڈیرا ڈالے گا، پس مدینہ اپنے باشندوں سمیت تین بار لرزے گا، اس کا ہر کافر اور منافق اس سے نکل کر اس کی طرف چلا جائے گا۔“ [صحيح الجامع الصغير وزيادته/حرف اللام./حدیث: 5430]

(نبی کریم صلی اللہ علیہ وسلم نے فرمایا:)
”جو آدمی جانتے بوجھتے اپنے باپ کے سوا کسی اور کی طرف اپنی نسبت کرے تو اس نے کفر کیا، اور جو ایسی چیز کا دعویٰ کرے جو اس کی نہیں تو وہ ہم میں سے نہیں، اسے چاہیے کہ جہنم میں اپنا ٹھکانا بنا لے، اور جو کسی کو کافر کہے یا 'اللہ کا دشمن' کہے حالانکہ وہ ایسا نہیں تو یہ بات خود اسی پر لوٹ آئے گی، اور کوئی آدمی کسی دوسرے پر فسق یا کفر کی تہمت نہ لگائے، ورنہ اگر اس کا ساتھی ایسا نہ ہوا تو یہ تہمت خود اسی پر لوٹ آئے گی۔“ [صحيح الجامع الصغير وزيادته/حرف اللام./حدیث: 5431]

(نبی کریم صلی اللہ علیہ وسلم نے فرمایا:)
”دن کا کوئی عمل ایسا نہیں مگر اس پر مہر لگا دی جاتی ہے، پس جب مومن بیمار پڑتا ہے تو فرشتے کہتے ہیں: اے ہمارے رب! تیرے بندے فلاں کو تو نے بیماری میں روک دیا ہے، تو رب فرماتا ہے: اس کے لیے اسی کے سابقہ عمل جیسی مہر لگاتے رہو یہاں تک کہ وہ صحت یاب ہو جائے یا مر جائے۔“ [صحيح الجامع الصغير وزيادته/حرف اللام./حدیث: 5432]

(نبی کریم صلی اللہ علیہ وسلم نے فرمایا:)
”جو عورت مردوں سے مشابہت اختیار کرے وہ ہم میں سے نہیں، اور جو مرد عورتوں سے مشابہت اختیار کرے وہ بھی ہم میں سے نہیں۔“ [صحيح الجامع الصغير وزيادته/حرف اللام./حدیث: 5433]

(نبی کریم صلی اللہ علیہ وسلم نے فرمایا:)
”جو ہمارے سوا کسی اور سے مشابہت اختیار کرے وہ ہم میں سے نہیں، یہود و نصاریٰ سے مشابہت اختیار نہ کرو، کیونکہ یہود کا سلام انگلیوں سے اشارہ کرنا ہے اور نصاریٰ کا سلام ہتھیلیوں سے اشارہ کرنا ہے۔“ [صحيح الجامع الصغير وزيادته/حرف اللام./حدیث: 5434]

(نبی کریم صلی اللہ علیہ وسلم نے فرمایا:)
”جو بدشگونی لے یا جس کے لیے بدشگونی لی جائے، یا جو کہانت کرے یا جس کے لیے کہانت کی جائے، یا جو جادو کرے یا جس کے لیے جادو کیا جائے، وہ ہم میں سے نہیں۔“ [صحيح الجامع الصغير وزيادته/حرف اللام./حدیث: 5435]