(نبی کریم صلی اللہ علیہ وسلم نے فرمایا:)
”میری اور تمہاری مثال اس آدمی جیسی ہے جس نے آگ جلائی، تو پروانے اور ٹڈے اس میں گرنے لگے اور وہ انہیں اس سے دور ہٹاتا رہا، اور میں تمہیں آگ سے روک رہا ہوں مگر تم میرے ہاتھ سے چھوٹ جاتے ہو۔“ [صحيح الجامع الصغير وزيادته/حرف الميم./حدیث: 5859]

(نبی کریم صلی اللہ علیہ وسلم نے فرمایا:)
”میری اور جو کچھ لے کر اللہ نے مجھے بھیجا ہے اس کی مثال اس آدمی جیسی ہے جو اپنی قوم کے پاس آیا اور کہنے لگا: اے میری قوم! میں نے اپنی آنکھوں سے لشکر دیکھا ہے اور میں کھلا خبردار کرنے والا ہوں، سو بھاگ نکلو، بھاگ نکلو! تو اس کی قوم کے ایک گروہ نے اس کی بات مانی اور رات ہی رات آرام سے نکل گئے اور بچ گئے، اور دوسرے گروہ نے اسے جھٹلایا تو وہ اپنی جگہ پر ہی رہے، صبح لشکر نے ان پر حملہ کر کے انہیں ہلاک اور تباہ کر دیا۔ تو یہی مثال ہے اس کی جو میری اطاعت کرے اور جو کچھ میں لے کر آیا ہوں اس کی پیروی کرے، اور اس کی جو میری نافرمانی کرے اور جو حق میں لے کر آیا ہوں اسے جھٹلائے۔“ [صحيح الجامع الصغير وزيادته/حرف الميم./حدیث: 5860]

(نبی کریم صلی اللہ علیہ وسلم نے فرمایا:)
”شراب کا عادی شخص بت پرست کی طرح ہے۔“ [صحيح الجامع الصغير وزيادته/حرف الميم./حدیث: 5861]

(نبی کریم صلی اللہ علیہ وسلم نے فرمایا:)
”اپنی بہن سے کہو کہ وہ سواری پر بیٹھ جائے... کیونکہ اللہ تعالیٰ اس بات سے بے نیاز ہے کہ تمہاری بہن خود کو تکلیف دے۔“ [صحيح الجامع الصغير وزيادته/حرف الميم./حدیث: 5862]

(نبی کریم صلی اللہ علیہ وسلم نے فرمایا:)
”ایک آدمی راستے کے بیچوں بیچ ایک درخت کی ٹہنی کے پاس سے گزرا تو اس نے کہا: اللہ کی قسم! میں اسے مسلمانوں کے راستے سے ہٹا دوں گا تاکہ یہ انہیں تکلیف نہ دے، چنانچہ اس نیکی کی وجہ سے اسے جنت میں داخل کر دیا گیا۔“ [صحيح الجامع الصغير وزيادته/حرف الميم./حدیث: 5863]

(نبی کریم صلی اللہ علیہ وسلم نے فرمایا:)
”جس رات مجھے معراج کرائی گئی، میں ملاءِ اعلیٰ (فرشتوں کی بلند مجلس) کے پاس سے گزرا تو جبریل اللہ تعالیٰ کے خوف سے ایک بوسیدہ پرانی چادر کی طرح سکڑے ہوئے تھے۔“ [صحيح الجامع الصغير وزيادته/حرف الميم./حدیث: 5864]

(نبی کریم صلی اللہ علیہ وسلم نے فرمایا:)
”جس رات مجھے معراج کرائی گئی، میں موسیٰ علیہ السلام کے پاس سے گزرا، وہ اپنی قبر میں کھڑے نماز پڑھ رہے تھے۔“ [صحيح الجامع الصغير وزيادته/حرف الميم./حدیث: 5865]

(نبی کریم صلی اللہ علیہ وسلم نے فرمایا:)
”ابوبکر سے کہو کہ وہ لوگوں کو نماز پڑھائیں۔“ [صحيح الجامع الصغير وزيادته/حرف الميم./حدیث: 5866]

(نبی کریم صلی اللہ علیہ وسلم نے فرمایا:)
”بچے کو نماز کا حکم دو جب وہ سات سال کا ہو جائے، اور جب وہ دس سال کا ہو جائے تو اس کے نماز نہ پڑھنے پر اسے مارو۔“ [صحيح الجامع الصغير وزيادته/حرف الميم./حدیث: 5867]

(نبی کریم صلی اللہ علیہ وسلم نے فرمایا:)
”اپنے بچوں کو نماز کا حکم دو جب وہ سات سال کے ہو جائیں، اور جب وہ دس سال کے ہو جائیں تو اس پر انہیں مارو، اور ان کے بستر آپس میں الگ کر دو۔“ [صحيح الجامع الصغير وزيادته/حرف الميم./حدیث: 5868]