(نبی کریم صلی اللہ علیہ وسلم نے فرمایا:)
”اسے حکم دو کہ وہ بات کرے، سائے میں بیٹھے، بیٹھ جائے اور اپنا روزہ مکمل کرے۔“ [صحيح الجامع الصغير وزيادته/حرف الميم./حدیث: 5869]

(نبی کریم صلی اللہ علیہ وسلم نے فرمایا:)
”اسے حکم دو، اگر اس میں بھلائی ہوگی تو وہ کر لے گی، اور اپنی بیوی کو اس طرح نہ مارو جیسے اپنی باندی کو مارتے ہو۔“ [صحيح الجامع الصغير وزيادته/حرف الميم./حدیث: 5870]

(نبی کریم صلی اللہ علیہ وسلم نے فرمایا:)
”مالدار کا لوگوں سے مانگنا قیامت کے دن اس کے چہرے پر ایک داغ ہوگا۔“ [صحيح الجامع الصغير وزيادته/حرف الميم./حدیث: 5871]

(نبی کریم صلی اللہ علیہ وسلم نے فرمایا:)
”آرام پانے والا اور جس سے آرام پایا جائے دو طرح کے لوگ ہیں: مومن بندہ دنیا کی مشقت اور تکلیف سے آرام پا کر اللہ تعالیٰ کی رحمت کی طرف چلا جاتا ہے، اور فاجر بندے کے مرنے سے بندے، شہر، درخت اور جانور سب آرام پاتے ہیں۔“ [صحيح الجامع الصغير وزيادته/حرف الميم./حدیث: 5872]

(نبی کریم صلی اللہ علیہ وسلم نے فرمایا:)
”ہجرت کا معاملہ اس کے اہل کے لیے گزر چکا ہے، میں اس سے اسلام اور جہاد پر بیعت لیتا ہوں۔“ [صحيح الجامع الصغير وزيادته/حرف الميم./حدیث: 5873]

(نبی کریم صلی اللہ علیہ وسلم نے فرمایا:)
”دودھ پینے کے بعد کلی کر لیا کرو، کیونکہ اس میں چکنائی ہوتی ہے۔“ [صحيح الجامع الصغير وزيادته/حرف الميم./حدیث: 5874]

(نبی کریم صلی اللہ علیہ وسلم نے فرمایا:)
”مالدار کا قرض کی ادائیگی میں ٹال مٹول کرنا ظلم ہے، پس جب تم میں سے کسی کو کسی مالدار شخص کی طرف حوالہ دیا جائے تو وہ اسے قبول کر لے۔“ [صحيح الجامع الصغير وزيادته/حرف الميم./حدیث: 5875]

(نبی کریم صلی اللہ علیہ وسلم نے فرمایا:)
”مالدار کا ٹال مٹول کرنا ظلم ہے، اور جب تمہارا حوالہ کسی مالدار شخص کی طرف کیا جائے تو اس کی پیروی کرو۔“ [صحيح الجامع الصغير وزيادته/حرف الميم./حدیث: 5876]

(نبی کریم صلی اللہ علیہ وسلم نے فرمایا:)
”لڑکے کے ساتھ عقیقہ لازم ہے، پس اس کی طرف سے خون بہاؤ اور اس سے تکلیف دور کرو۔“ [صحيح الجامع الصغير وزيادته/حرف الميم./حدیث: 5877]

(نبی کریم صلی اللہ علیہ وسلم نے فرمایا:)
”اللہ کی پناہ کہ لوگ یہ کہیں کہ میں اپنے ساتھیوں کو قتل کرتا ہوں! بے شک یہ شخص اور اس کے ساتھی قرآن پڑھتے ہیں مگر وہ ان کے حلق سے نیچے نہیں اترتا، وہ دین سے اس طرح نکل جائیں گے جس طرح تیر شکار کے جسم سے نکل جاتا ہے۔“ [صحيح الجامع الصغير وزيادته/حرف الميم./حدیث: 5878]