(نبی کریم صلی اللہ علیہ وسلم نے فرمایا:)
”میرا خیال نہیں کہ فلاں اور فلاں ہمارے دین کے بارے میں کچھ جانتے ہیں۔“ [صحيح الجامع الصغير وزيادته/حرف الميم./حدیث: 5539]

(نبی کریم صلی اللہ علیہ وسلم نے فرمایا:)
”آدمی جو کچھ اپنی بیوی کو دیتا ہے وہ صدقہ ہے۔“ [صحيح الجامع الصغير وزيادته/حرف الميم./حدیث: 5540]

(نبی کریم صلی اللہ علیہ وسلم نے فرمایا:)
”جس گھر والوں کو نرمی عطا کی گئی تو اس نے انہیں ہمیشہ فائدہ ہی پہنچایا۔“ [صحيح الجامع الصغير وزيادته/حرف الميم./حدیث: 5541]

(نبی کریم صلی اللہ علیہ وسلم نے فرمایا:)
”میں تمہیں اپنی طرف سے نہ کچھ دیتا ہوں اور نہ روکتا ہوں، میں تو صرف تقسیم کرنے والا ہوں، جہاں مجھے حکم دیا جاتا ہے وہاں رکھتا ہوں۔“ [صحيح الجامع الصغير وزيادته/حرف الميم./حدیث: 5542]

(نبی کریم صلی اللہ علیہ وسلم نے فرمایا:)
”جس بندے کے قدم اللہ کی راہ میں گرد آلود ہوں اللہ نے اس پر آگ حرام کر دی۔“ [صحيح الجامع الصغير وزيادته/حرف الميم./حدیث: 5543]

(نبی کریم صلی اللہ علیہ وسلم نے فرمایا:)
”جس گھر میں سرکہ ہو وہ سالن سے خالی نہیں ہوتا۔“ [صحيح الجامع الصغير وزيادته/حرف الميم./حدیث: 5544]

(نبی کریم صلی اللہ علیہ وسلم نے فرمایا:)
”جب بھی کوئی آدمی کسی دوسرے آدمی کو کافر کہتا ہے تو یہ بات ان دونوں میں سے کسی ایک کی طرف لوٹ آتی ہے۔“ [صحيح الجامع الصغير وزيادته/حرف الميم./حدیث: 5545]

(نبی کریم صلی اللہ علیہ وسلم نے فرمایا:)
”کسی نے کبھی اپنے ہاتھ کی کمائی کھانے سے بہتر کوئی کھانا نہیں کھایا، اور اللہ کے نبی داؤد اپنے ہاتھ کی کمائی سے کھاتے تھے۔“ [صحيح الجامع الصغير وزيادته/حرف الميم./حدیث: 5546]

(نبی کریم صلی اللہ علیہ وسلم نے فرمایا:)
”دنیا آخرت کے مقابلے میں بس اتنی ہے جتنا تم میں سے کوئی سمندر کے پاس جا کر اپنی انگلی اس میں ڈالے، پھر جو کچھ اس انگلی پر لگ کر نکلے وہی دنیا ہے۔“ [صحيح الجامع الصغير وزيادته/حرف الميم./حدیث: 5547]

(نبی کریم صلی اللہ علیہ وسلم نے فرمایا:)
”کسی دنوں میں کیا گیا عمل ذوالحجہ کے پہلے دس دنوں کے عمل سے افضل نہیں، اور نہ ہی اللہ کی راہ میں جہاد اس سے افضل ہے، سوائے اس آدمی کے جو اپنی جان اور اپنے مال کو خطرے میں ڈال کر نکلے اور اس میں سے کچھ بھی واپس لے کر نہ آئے۔“ [صحيح الجامع الصغير وزيادته/حرف الميم./حدیث: 5548]