(نبی کریم صلی اللہ علیہ وسلم نے فرمایا:)
”جو شخص جمعہ کی نماز کی ایک رکعت پا لے اس نے وہ نماز پا لی۔“ [صحيح الجامع الصغير وزيادته/حرف الميم./حدیث: 5999]

(نبی کریم صلی اللہ علیہ وسلم نے فرمایا:)
”جو شخص کسی نماز کی ایک رکعت پا لے اس نے وہ نماز پا لی۔“ [صحيح الجامع الصغير وزيادته/حرف الميم./حدیث: 6000]

(نبی کریم صلی اللہ علیہ وسلم نے فرمایا:)
”تم میں سے جو شخص عیسیٰ بن مریم کو پا لے تو وہ انہیں میری طرف سے سلام پہنچائے۔“ [صحيح الجامع الصغير وزيادته/حرف الميم./حدیث: 6001]

(نبی کریم صلی اللہ علیہ وسلم نے فرمایا:)
”جو شخص بارہ سال تک اذان دے تو اس کے لیے جنت واجب ہو جاتی ہے، اور اس کی روزانہ کی اذان پر اس کے لیے ساٹھ نیکیاں اور اقامت پر تیس نیکیاں لکھی جاتی ہیں۔“ [صحيح الجامع الصغير وزيادته/حرف الميم./حدیث: 6002]

(نبی کریم صلی اللہ علیہ وسلم نے فرمایا:)
”جو شخص حج کا ارادہ رکھتا ہے تو وہ جلدی کرے۔“ [صحيح الجامع الصغير وزيادته/حرف الميم./حدیث: 6003]

(نبی کریم صلی اللہ علیہ وسلم نے فرمایا:)
”جو شخص حج کا ارادہ رکھتا ہے تو وہ جلدی کرے، کیونکہ کبھی بیمار پڑ جاتا ہے، کوئی گم شدہ چیز کھو جاتی ہے اور کوئی ضرورت پیش آ جاتی ہے۔“ [صحيح الجامع الصغير وزيادته/حرف الميم./حدیث: 6004]

(نبی کریم صلی اللہ علیہ وسلم نے فرمایا:)
”جو شخص روزہ رکھنے کا ارادہ رکھتا ہے تو وہ کچھ نہ کچھ سحری میں کھا لے۔“ [صحيح الجامع الصغير وزيادته/حرف الميم./حدیث: 6005]

(نبی کریم صلی اللہ علیہ وسلم نے فرمایا:)
”جو شخص یہ جاننا چاہتا ہے کہ اللہ کے ہاں اس کا کیا مقام ہے تو وہ دیکھے کہ اس کے ہاں اللہ کا کیا مقام ہے۔“ [صحيح الجامع الصغير وزيادته/حرف الميم./حدیث: 6006]

(نبی کریم صلی اللہ علیہ وسلم نے فرمایا:)
”جو شخص مدینہ والوں کے ساتھ برائی کا ارادہ کرے تو اللہ اسے اس طرح گھلا دے گا جس طرح نمک پانی میں گھل جاتا ہے۔“ [صحيح الجامع الصغير وزيادته/حرف الميم./حدیث: 6007]

(نبی کریم صلی اللہ علیہ وسلم نے فرمایا:)
”جو شخص اللہ کی راہ میں گھوڑا باندھے پھر اپنے ہاتھ سے اس کا چارہ تیار کرے تو اسے ہر دانے کے بدلے ایک نیکی ملتی ہے۔“ [صحيح الجامع الصغير وزيادته/حرف الميم./حدیث: 6008]