(نبی کریم صلی اللہ علیہ وسلم نے فرمایا:)
”جس نے گواہی دی کہ «لَا إِلَهَ إِلَّا اللَّهُ» (اللہ کے سوا کوئی سچا معبود نہیں) وہ جنت میں داخل ہوگا۔“ [صحيح الجامع الصغير وزيادته/حرف الميم./حدیث: 6318]

(نبی کریم صلی اللہ علیہ وسلم نے فرمایا:)
”جس نے گواہی دی کہ «لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ» (اللہ کے سوا کوئی سچا معبود نہیں اور یہ کہ محمد صلی اللہ علیہ وسلم اللہ کے رسول ہیں)، اللہ تعالیٰ اس پر آگ حرام کر دے گا۔“ [صحيح الجامع الصغير وزيادته/حرف الميم./حدیث: 6319]

(نبی کریم صلی اللہ علیہ وسلم نے فرمایا:)
”جس نے گواہی دی کہ «لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَنَّ مُحَمَّدًا عَبْدُهُ وَرَسُولُهُ» (اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، اور یہ کہ محمد صلی اللہ علیہ وسلم اس کے بندے اور رسول ہیں)، اور عیسیٰ علیہ السلام اس کے بندے اور رسول ہیں اور اس کی بندی (مریم) کے بیٹے ہیں اور اس کا وہ کلمہ ہیں جو اس نے مریم کی طرف ڈالا اور اس کی طرف سے ایک روح ہیں، اور یہ کہ جنت حق ہے، جہنم حق ہے اور دوبارہ اٹھایا جانا حق ہے، تو اللہ تعالیٰ اسے جنت کے آٹھوں دروازوں میں سے جس سے وہ چاہے جنت میں داخل فرمائے گا، خواہ اس کے اعمال کچھ بھی ہوں۔“ [صحيح الجامع الصغير وزيادته/حرف الميم./حدیث: 6320]

(نبی کریم صلی اللہ علیہ وسلم نے فرمایا:)
”جو ہماری اس نماز میں حاضر ہو اور ہمارے ساتھ اس وقت تک ٹھہرے جب تک ہم روانہ نہ ہو جائیں، اور اس سے پہلے وہ رات یا دن میں عرفات میں ٹھہر چکا ہو تو اس کا حج مکمل ہو گیا اور اس نے اپنے احرام کی میل کچیل دور کر لی۔“ [صحيح الجامع الصغير وزيادته/حرف الميم./حدیث: 6321]

(نبی کریم صلی اللہ علیہ وسلم نے فرمایا:)
”جس نے اپنی تلوار سونتی پھر اسے چلایا تو اس کا خون رائیگاں ہے۔“ [صحيح الجامع الصغير وزيادته/حرف الميم./حدیث: 6322]

(نبی کریم صلی اللہ علیہ وسلم نے فرمایا:)
”جس نے ہمیشہ (بلاناغہ) روزے رکھے اس نے نہ روزہ رکھا اور نہ افطار کیا۔“ [صحيح الجامع الصغير وزيادته/حرف الميم./حدیث: 6323]

(نبی کریم صلی اللہ علیہ وسلم نے فرمایا:)
”جس نے ہر مہینے تین دن روزے رکھے اس نے گویا ہمیشہ روزے رکھے۔“ [صحيح الجامع الصغير وزيادته/حرف الميم./حدیث: 6324]

(نبی کریم صلی اللہ علیہ وسلم نے فرمایا:)
”جس نے رمضان کے روزے ایمان اور احتساب (ثواب کی نیت) سے رکھے اس کے اگلے اور پچھلے تمام گناہ معاف کر دیے جاتے ہیں۔“ [صحيح الجامع الصغير وزيادته/حرف الميم./حدیث: 6325]

(نبی کریم صلی اللہ علیہ وسلم نے فرمایا:)
”جس نے رمضان کے روزے ایمان اور احتساب (ثواب کی نیت) سے رکھے اس کے پچھلے تمام گناہ معاف کر دیے جاتے ہیں۔“ [صحيح الجامع الصغير وزيادته/حرف الميم./حدیث: 6326]

(نبی کریم صلی اللہ علیہ وسلم نے فرمایا:)
”جس نے رمضان کے روزے رکھے پھر اس کے بعد شوال کے چھ روزے رکھے تو یہ گویا ہمیشہ روزے رکھنے کے برابر ہے۔“ [صحيح الجامع الصغير وزيادته/حرف الميم./حدیث: 6327]