(نبی کریم صلی اللہ علیہ وسلم نے فرمایا:)
”جو لوگوں سے ان کا مال بڑھانے کی نیت سے مانگے وہ گویا جہنم کا انگارہ مانگ رہا ہے، اب چاہے وہ کم مانگے یا زیادہ۔“ [صحيح الجامع الصغير وزيادته/حرف الميم./حدیث: 6278]

(نبی کریم صلی اللہ علیہ وسلم نے فرمایا:)
”جو شخص لوگوں سے سوال کرے حالانکہ اس کے پاس اتنا ہو جو اسے بےنیاز کر دے، وہ قیامت کے دن اس حال میں آئے گا کہ اس کا سوال اس کے چہرے پر خراشوں یا زخموں کی صورت میں ہوگا۔ عرض کیا گیا: بےنیازی کیا ہے؟ آپ صلی اللہ علیہ وسلم نے فرمایا: پچاس درہم یا اس کے برابر سونا۔“ [صحيح الجامع الصغير وزيادته/حرف الميم./حدیث: 6279]

(نبی کریم صلی اللہ علیہ وسلم نے فرمایا:)
”جو شخص کچھ مانگے حالانکہ اس کے پاس اتنا ہو جو اسے بےنیاز کر دے تو وہ گویا جہنم کے انگارے زیادہ مانگ رہا ہے۔ صحابہ نے عرض کیا: اسے کیا چیز بےنیاز کرتی ہے؟ آپ صلی اللہ علیہ وسلم نے فرمایا: اتنا مال جس سے اس کا صبح و شام کا کھانا پورا ہو جائے۔“ [صحيح الجامع الصغير وزيادته/حرف الميم./حدیث: 6280]

(نبی کریم صلی اللہ علیہ وسلم نے فرمایا:)
”جو شخص بغیر فقر (کی ضرورت) کے سوال کرے تو گویا وہ انگارے کھا رہا ہے۔“ [صحيح الجامع الصغير وزيادته/حرف الميم./حدیث: 6281]

(نبی کریم صلی اللہ علیہ وسلم نے فرمایا:)
”جس کے پاس چالیس درہم ہوں اور وہ پھر بھی مانگے تو وہ لوگوں پر بوجھ ڈالنے والا ہے۔“ [صحيح الجامع الصغير وزيادته/حرف الميم./حدیث: 6282]

(نبی کریم صلی اللہ علیہ وسلم نے فرمایا:)
”جس کے پاس ایک اوقیہ کے برابر مال ہو اور وہ پھر بھی مانگے تو اس نے سوال میں الحاح (بوجھ) کیا۔“ [صحيح الجامع الصغير وزيادته/حرف الميم./حدیث: 6283]

(نبی کریم صلی اللہ علیہ وسلم نے فرمایا:)
”جس سے علم کی کوئی بات پوچھی جائے اور وہ اسے چھپائے تو اللہ تعالیٰ قیامت کے دن اسے آگ کی لگام پہنائے گا۔“ [صحيح الجامع الصغير وزيادته/حرف الميم./حدیث: 6284]

(نبی کریم صلی اللہ علیہ وسلم نے فرمایا:)
”جس نے میرے صحابہ کو گالی دی (برا بھلا کہا) اس پر اللہ، فرشتوں اور تمام لوگوں کی لعنت ہو۔“ [صحيح الجامع الصغير وزيادته/حرف الميم./حدیث: 6285]

(نبی کریم صلی اللہ علیہ وسلم نے فرمایا:)
”جو شخص ہر نماز کے بعد تینتیس بار سبحان اللہ، تینتیس بار الحمد للہ اور تینتیس بار اللہ اکبر کہے، یہ ننانوے ہوئے، پھر سو مکمل کرنے کے لیے کہے: «لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ» (اللہ کے سوا کوئی سچا معبود نہیں، وہ اکیلا ہے، اس کا کوئی شریک نہیں، بادشاہی اسی کی ہے، تمام تعریفیں اسی کے لیے ہیں اور وہ ہر چیز پر قادر ہے)، تو اس کے گناہ بخش دیے جاتے ہیں خواہ وہ سمندر کے جھاگ کے برابر ہی کیوں نہ ہوں۔“ [صحيح الجامع الصغير وزيادته/حرف الميم./حدیث: 6286]

(نبی کریم صلی اللہ علیہ وسلم نے فرمایا:)
”جس نے دنیا میں اپنے مسلمان بھائی کی پردہ پوشی کی اللہ تعالیٰ قیامت کے دن اس کی پردہ پوشی فرمائے گا۔“ [صحيح الجامع الصغير وزيادته/حرف الميم./حدیث: 6287]