حضرت ابراہیم بن محمد اپنے والد سے روایت کرتے ہیں۔ وہ کہتے ہیں کہ حضرت مسروق کی انگوٹھی کا نقش بسم اللّٰہ الرحمٰن الرحیم تھا۔ [مصنف ابن ابي شيبه/كتاب اللباس/حدیث: 26738]

حضرت منصور سے روایت ہے۔ وہ کہتے ہیں کہ حضرت ابراہیم کی انگوٹھی کا نقش یہ تھا۔ یا اللّٰہ اور اس انگوٹھی کا نگینہ بھی تھا۔ [مصنف ابن ابي شيبه/كتاب اللباس/حدیث: 26739]

حضرت جعفر، اپنے والد کے بارے میں روایت کرتے ہیں۔ کہتے ہیں کہ میرے والد کی انگوٹھی میں نقش تھا۔ العزۃ لِلّٰہ جمیعا۔ (ساری عزت اللہ کے لئے ہے۔) [مصنف ابن ابي شيبه/كتاب اللباس/حدیث: 26740]

حضرت محمد سے روایت ہے۔ وہ کہتے ہیں کہ حضرت عبید اللہ بن زیادہ کی انگوٹھی کا نقش تدرجۃ تھا۔ [مصنف ابن ابي شيبه/كتاب اللباس/حدیث: 26741]

حضرت ابن عون سے روایت ہے۔ وہ کہتے ہیں کہ حضرت محمد کی انگوٹھی کا نقش ان کی کنیت تھا۔ [مصنف ابن ابي شيبه/كتاب اللباس/حدیث: 26742]

حضرت ابن عون، حضرت حسن کے بارے میں روایت کرتے ہیں۔ کہتے ہیں کہ آپ کی انگوٹھی کے نقش میں خطوط تھیں۔ حضرت ابن ابی عدی کہتے ہیں۔ میں نے ان کو اپنے ہاں مکتوب پایا۔ [مصنف ابن ابي شيبه/كتاب اللباس/حدیث: 26743]

حضرت حنظلہ سے روایت ہے۔ وہ کہتے ہیں کہ میں نے حضرت قاسم اور حضرت سالم پر دو انگوٹھیاں دیکھیں۔ حضرت قاسم کی انگوٹھی میں ان کا نام تھا اور حضرت سالم کی انگوٹھی میں ان کا نا م تھا۔ [مصنف ابن ابي شيبه/كتاب اللباس/حدیث: 26745]

حضرت ہشام، حضرت محمد کے بارے میں روایت کرتے ہیں کہ وہ اس بات میں کوئی حرج نہیں دیکھتے تھے کہ آدمی اپنی انگوٹھی میں حسبی اللّٰہ وغیرہ لکھے۔ [مصنف ابن ابي شيبه/كتاب اللباس/حدیث: 26746]

حضرت انس سے روایت ہے۔ کہ حضرت عمر نے فرمایا: تم اپنی انگشتریوں میں عربی میں نہ لکھو اور نہ نقش کرو۔ [مصنف ابن ابي شيبه/كتاب اللباس/حدیث: 26747]