حضرت ابن مسعود فرماتے ہیں کہ جب رکوع میں آدمی اپنے ہاتھ گھٹنوں پر اور سجدے میں اپنی پیشانی زمین پر رکھ دے تو یہ ارکان ادا ہوگئے۔ [مصنف ابن ابي شيبه/كتاب الصلوات/حدیث: 2600]

حضرت محمد بن علی رحمہ اللہ فرماتے ہیں کہ رکوع میں اپنے ہاتھوں کو گھٹنوں پر رکھنا اور سجدے میں اپنی پیشانی کو زمین پر رکھ دے تو یہ ارکان ادا ہوگئے۔ [مصنف ابن ابي شيبه/كتاب الصلوات/حدیث: 2601]

حضرت ابن عمر رضی اللہ عنہما فرماتے ہیں کہ جب آدمی اپنی پیشانی زمین پر رکھ دے تو یہ کافی ہے۔ [مصنف ابن ابي شيبه/كتاب الصلوات/حدیث: 2602]

حضرت ابن سیرین فرماتے ہیں کہ رکوع میں اپنے ہاتھوں کو گھٹنوں پر اور سجدے میں اپنی پیشانی کو زمین پر رکھ دے تو یہ ارکان ادا ہوگئے۔ [مصنف ابن ابي شيبه/كتاب الصلوات/حدیث: 2603]

حضرت یعلیٰ بن حکیم فرماتے ہیں کہ حضرت طاوس اور حضرت عکرمہ نے فرمایا، اور میرا گمان ہے کہ تیسرے حضرت عطاء تھے، کہ جب پیشانی کو زمین پر رکھ دیا تو فرض ادا ہوگیا۔ [مصنف ابن ابي شيبه/كتاب الصلوات/حدیث: 2604]

حضرت مسیب بن رافع فرماتے ہیں کہ جب پیشانی کو زمین پر رکھ دیا تو فرض ادا ہوگیا۔ [مصنف ابن ابي شيبه/كتاب الصلوات/حدیث: 2605]

حضرت معقل بن عبید اللہ فرماتے ہیں کہ میں نے حضرت عطاء سے رکوع و سجود کی ادنیٰ مقدار کے بارے میں پوچھا تو انہوں نے فرمایا کہ جب پیشانی کو زمین پر اور ہاتھوں کو گھٹنوں پر رکھ دیا تو یہ ارکان ادا ہوگئے۔ [مصنف ابن ابي شيبه/كتاب الصلوات/حدیث: 2606]

حضرت مجاہد فرماتے ہیں کہ جب ہاتھوں کو گھٹنوں پر رکھ دیا تو رکوع ہوگیا۔ [مصنف ابن ابي شيبه/كتاب الصلوات/حدیث: 2607]

حضرت عائشہ رضی اللہ عنہا فرماتی ہیں کہ حضور صلی اللہ علیہ وآلہ وسلم جب رکوع کرتے تو رکوع میں سر کو نہ زیادہ جھکاتے تھے نہ بالکل سیدھا رکھتے تھے، بلکہ ان دونوں کیفیات کے درمیان رکھتے تھے۔ [مصنف ابن ابي شيبه/كتاب الصلوات/حدیث: 2608]

ایک ثقیفی شخص کہتے ہیں کہ میں نے حضرت ابوہریرہ سے رکوع کے بارے میں سوال کیا تو انہوں نے فرمایا کہ رکوع میں کمر کو کمان بنا کر سر کو جھکانے سے اور کمر کو بلند کرنے سے بچو۔ [مصنف ابن ابي شيبه/كتاب الصلوات/حدیث: 2609]