حضرت شعبی فرماتے ہیں کہ اگر لوگوں کو سجود کی حالت میں پاؤ تو ان کے ساتھ سجدہ کر لو اور اس رکعت کو شمار نہ کرو۔ حضرت ابو العالیہ فرماتے ہیں کہ ان کے ساتھ سجدہ کرو اور اس رکعت کو شمار کرو۔ [مصنف ابن ابي شيبه/كتاب الصلوات/حدیث: 2630]

حضرت ابن عمر رضی اللہ عنہما فرماتے ہیں کہ امام کو جس حالت میں بھی پاؤ تو اسی طرح کرو جس طرح وہ کرتا ہے۔ [مصنف ابن ابي شيبه/كتاب الصلوات/حدیث: 2631]

حضرت ابراہیم فرماتے ہیں کہ امام کو جس حالت میں بھی پاؤ تو اسی طرح کرو جس طرح وہ کرتا ہے۔ [مصنف ابن ابي شيبه/كتاب الصلوات/حدیث: 2632]

حضرت محمد اس بات کو پسند فرماتے تھے کہ آدمی لوگوں کو جماعت کے دوران جس حالت پر بھی پائے ان کے ساتھ شریک ہو جائے۔ [مصنف ابن ابي شيبه/كتاب الصلوات/حدیث: 2633]

حضرت شعبی اس شخص کے بارے میں جو لوگوں کو سجدے کی حالت میں پائے فرماتے ہیں کہ وہ ان کے ساتھ سجدہ کر لے۔ [مصنف ابن ابي شيبه/كتاب الصلوات/حدیث: 2634]

حضرت حسن اور حضرت ابن سیرین فرماتے ہیں کہ جب لوگ اپنی پیشانیوں کو زمین پر رکھ چکے ہوں تو آدمی کو سیدھا کھڑے رہنا زیب نہیں دیتا۔ [مصنف ابن ابي شيبه/كتاب الصلوات/حدیث: 2635]

حضرت عروہ اس بات کو مکروہ خیال فرماتے تھے کہ امام سجدہ کی حالت میں ہو اور آنے والا نمازی سیدھا کھڑا رہے۔ اس کو چاہئے کہ امام کی اتباع کرے۔ [مصنف ابن ابي شيبه/كتاب الصلوات/حدیث: 2636]

حضرت عروہ بن زبیر فرمایا کرتے تھے کہ جب کوئی شخص جماعت میں اس حال میں پہنچے کہ امام سجدے کی حالت میں ہو تو لوگوں کے ساتھ سجدہ کرے اور اس رکعت کو شمار نہ کرے۔ [مصنف ابن ابي شيبه/كتاب الصلوات/حدیث: 2637]

حضرت علی رضی اللہ عنہ فرماتے ہیں کہ جب تمہیں رکوع نہ ملے تو اس رکعت کو شمار نہ کرو۔ [مصنف ابن ابي شيبه/كتاب الصلوات/حدیث: 2638]

حضرت عبداللہ فرماتے ہیں کہ جب تمہیں رکوع نہ ملے تو اس رکعت کو شمار نہ کرو۔ [مصنف ابن ابي شيبه/كتاب الصلوات/حدیث: 2639]