حضرت بکیر بن عتیق فرماتے ہیں کہ میں جنازہ میں تھا جس میں حضرت سعید بن جبیر بھی تھے، ایک شخص نے کہا اس کیلئے اسغفار کرو اللہ تعالیٰ تمہاری مغفرت فرمائے گا، حضرت سعید بن جبیر نے فرمایا: اللہ تعالیٰ تیری مغفرت نہ کرے۔ [مصنف ابن ابي شيبه/كتاب الجنائز/حدیث: 11521]

حضرت العلائ فرماتے ہیں کہ میں حضرت سعید بن جبیر کے ساتھ ایک جنازہ میں شریک تھا، انہوں نے سنا کہ ایک شخص کہہ رہا ہے، اس کیلئے اسغفار کرو اللہ تعالیٰ تمہاری مغفرت فرمائے گا۔ آپ نے اس کو اس سے منع فرما دیا۔ [مصنف ابن ابي شيبه/كتاب الجنائز/حدیث: 11522]

حضرت عطاء اس بات کو ناپسند سمجھتے تھے کہ کوئی شخص (جنازہ) میں یوں کہے، اس کیلئے استغفار کرو اللہ تعالیٰ تمہاری مغفرت فرمائے گا۔ [مصنف ابن ابي شيبه/كتاب الجنائز/حدیث: 11523]

حضرت ابن سیرین فرماتے ہیں کہ پہلی بار میں نے یہ کلمات کہ اس کیلئے استغفار کہو حضرت سعد بن اوس کے جنازے میں سنا۔ [مصنف ابن ابي شيبه/كتاب الجنائز/حدیث: 11524]

حضرت ابراہیم اس طرح کہنے کو ناپسند سمجھتے تھے۔ [مصنف ابن ابي شيبه/كتاب الجنائز/حدیث: 11525]

حضرت حسن اس بات کو ناپسند سمجھتے تھے کہ کوئی شخص یوں کہے، اس کیلئے استغفار کہو تاکہ اللہ تعالیٰ تمہاری مغفرت فرمائے۔ [مصنف ابن ابي شيبه/كتاب الجنائز/حدیث: 11526]

حضرت عبد الرحمن بن حرملہ ایک جنازے میں شریک تھے انہوں نے ایک شخص کو سنا جو یہ کہہ رہا تھا، حضرت سعید بن مسیب نے فرمایا: تمہارا یہ رجز پڑھنے والا کیا کہہ رہا ہے؟ (رجزیہ اشعار پڑھنا)۔ [مصنف ابن ابي شيبه/كتاب الجنائز/حدیث: 11527]

حضرت ربیع بن ابی راشد فرماتے ہیں کہ حضرت سعید بن جبیر نے ایک شخص کو جنازہ میں یہ کہتے ہوئے سنا کہ اس کیلئے استغفار کرو اللہ تعالیٰ تمہاری مغفرت فرمائے گا، تو آپ اس شخص کو غصہ ہوئے۔ [مصنف ابن ابي شيبه/كتاب الجنائز/حدیث: 11528]

حضرت ایوب فرماتے ہیں کہ ہم ایک جنازے میں شریک تھے، قصہ گو لوگوں میں سے بعض نے اپنی آواز کو بلند کیا تو حضرت ابو قلابہ نے ارشاد فرمایا: وہ لوگ (صحابہ کرام) خاموش رہ کر میت کی تعظیم کرتے تھے۔ [مصنف ابن ابي شيبه/كتاب الجنائز/حدیث: 11529]

حضرت قیس بن عباد ارشاد فرماتے ہیں کہ صحابہ کرام تین موقعوں پر آواز پست رکھنے کو پسند فرماتے تھے، قتال کے وقت، تلاوت قرآن کے وقت اور جنازے میں۔ [مصنف ابن ابي شيبه/كتاب الجنائز/حدیث: 11530]