حضرت ابن عون فرماتے ہیں کہ میں نے محمد سے جنازے کے آگے چلنے سے متعلق دریافت کیا؟ آپ نے فرمایا میں تو اس میں کچھ حرج نہیں سمجھتا۔ [مصنف ابن ابي شيبه/كتاب الجنائز/حدیث: 11561]

انہوں نے فرمایا: اور حضرت قاسم اور حضرت سالم اس طرح کرتے تھے۔ [مصنف ابن ابي شيبه/كتاب الجنائز/حدیث: 11562]

حضرت انس ارشاد فرماتے ہیں: تم لوگ اس کو رخصت کرنے والے (اس کے ساتھ جانے والے) ہو، اس کے آگے، پیچھے، دائیں اور بائیں چلا کرو۔ [مصنف ابن ابي شيبه/كتاب الجنائز/حدیث: 11563]

حضرت ابو حازم فرماتے ہیں کہ میں حضرت حسن بن علی رضی اللہ عنہ، حضرت ابو ہریرہ رضی اللہ عنہ، اور حضرت ابن زبیر کے ساتھ جنازے کے آگے چلا ہوں۔ [مصنف ابن ابي شيبه/كتاب الجنائز/حدیث: 11564]

حضرت ابوالعالیہ ارشاد فرماتے ہیں کہ جنازے کے پیچھے چلنے والا قریب ہے، آگے چلنے والا قریب ہے، دائیں جانب چلنے والا قریب ہے اور بائیں جانب چلنے والا قریب ہے۔ [مصنف ابن ابي شيبه/كتاب الجنائز/حدیث: 11565]

حضرت عطاء فرماتے ہیں کہ میں نے حضرت ابن عمر رضی اللہ عنہما اور حضرت عبید بن عمیر کو جنازے کے آگے چلتے ہوئے دیکھا۔ [مصنف ابن ابي شيبه/كتاب الجنائز/حدیث: 11566]

حضرت عقار بن مغیرہ فرماتے ہیں کہ میں ایک جنازے کے پیچھے چل رہا تھا۔ حضرت ابو ہریرہ رضی اللہ عنہ تشریف لائے اور میری ریڑھ کی ہڈی کے درمیان انگلیاں رکھ کر مجھے دھکیلا یہاں تک کہ میں جنازے کے آگے پہنچ گیا۔ [مصنف ابن ابي شيبه/كتاب الجنائز/حدیث: 11567]

حضرت سوید بن غفلہ ارشاد فرماتے ہیں کہ ملائکہ جنازے کے پیچھے چلتے ہیں۔ [مصنف ابن ابي شيبه/كتاب الجنائز/حدیث: 11568]

حضرت ابو الدرداء ارشاد فرماتے ہیں کہ جنازے کے مکمل اجر میں سے یہ ہے کہ اسے اس کے گھر والوں کے پاس سے رخصت کیا جائے (ساتھ لے جایا جائے)، اور اس کے پیچھے چلنا۔ [مصنف ابن ابي شيبه/كتاب الجنائز/حدیث: 11569]

حضرت عمارہ فرماتے ہیں کہ حضرت ابو معمر حضرت ابو میسرہ کے جنازے میں فرما رہے تھے کہ ابو میسرہ کے جنازے کے پیچھے چلو بیشک وہ جنازوں کے پیچھے چلا کرتے تھے۔ [مصنف ابن ابي شيبه/كتاب الجنائز/حدیث: 11570]