حضرت جبار الطائی فرماتے ہیں کہ میں نے حضرت ابن عباس رضی اللہ عنہما کو ایک جنازے میں دیکھا۔ آگے حدیث اسی طرح ذکر فرمائی۔ [مصنف ابن ابي شيبه/كتاب الجنائز/حدیث: 11581]

حضرت حکم فرماتے ہیں کہ میں نے حضرت شریح کو خچر پر سوار جنازے کے آگے چلتے ہوئے دیکھا۔ [مصنف ابن ابي شيبه/كتاب الجنائز/حدیث: 11582]

اور حضرت ابو معاویہ فرماتے ہیں کہ (میں نے انہیں) سفید خچر پر سوار جنازے کے پیچھے چلتے ہوئے دیکھا۔ [مصنف ابن ابي شيبه/كتاب الجنائز/حدیث: 11583]

حضرت نعیم فرماتے ہیں کہ میں نے حضرت ابو وائل کو حضرت خیثمہ کے جنازے میں گدھے پر سوار دیکھا آپ فرما رہے تھے ہائے غم، یا اس جیسا کوئی اور کلمہ کہہ رہے تھے۔ [مصنف ابن ابي شيبه/كتاب الجنائز/حدیث: 11584]

حضرت خالد بن دینار فرماتے ہیں کہ میں نے حضرت عطاء جنازے کے آگے سوار (چلتے ہوئے) دیکھا۔ [مصنف ابن ابي شيبه/كتاب الجنائز/حدیث: 11585]

حضرت ابن ابو عروبہ فرماتے ہیں کہ میں نے حضرت حسن کو جنازے کے آگے سوار دیکھا۔ [مصنف ابن ابي شيبه/كتاب الجنائز/حدیث: 11586]

حضرت ابو اسحاق فرماتے ہیں میں نے حضرت ابو میسرہ کے جنازے میں حضرت شریح کو سوار دیکھا۔ [مصنف ابن ابي شيبه/كتاب الجنائز/حدیث: 11587]

حضرت مغیرہ بن شعبہ سے مروی ہے کہ نبی کریم صلی اللہ علیہ وآلہ وسلم نے ارشاد فرمایا: سوار جنازے کے پیچھے رہے، پیدل چلنے والا جہاں مرضی چلے، اور چھوٹے بچے پر نماز پڑھی جائے گی۔ [مصنف ابن ابي شيبه/كتاب الجنائز/حدیث: 11588]

حضرت ابو ہریرہ رضی اللہ عنہ سے مروی ہے کہ رسول اللہ صلی اللہ علیہ وآلہ وسلم کیلئے ایک جنازہ میں سواری لائی گئی لیکن آپ اس پر سوار نہ ہوئے، پھر جب آپ صلی اللہ علیہ وآلہ وسلم واپس لوٹے تو اس پر سوار ہوئے۔ [مصنف ابن ابي شيبه/كتاب الجنائز/حدیث: 11589]

حضرت ابراہیم فرماتے ہیں کہ میں نے حضرت علقمہ سے دریافت کیا، کیا جنازے کے پیچھے چلنا مکروہ ہے؟ آپ نے فرمایا نہیں بلکہ اس کے آگے چلنا ناپسندیدہ ہے۔ [مصنف ابن ابي شيبه/كتاب الجنائز/حدیث: 11590]