حضرت یحییٰ بن ابو راشد فرماتے ہیں کہ جب حضرت عمر کا وقت المرگ قریب آیا تو آپ نے اپنے بیٹے سے فرمایا: جب تم میرے جنازے کو لے کر نکلنا تو مجھے تیز اور جلدی لے کر جانا۔ [مصنف ابن ابي شيبه/كتاب الجنائز/حدیث: 11601]

حضرت ابو ہریرہ رضی اللہ عنہ ارشاد فرماتے ہیں مجھے میرے رب کے پاس جلدی لے کر جاؤ۔ [مصنف ابن ابي شيبه/كتاب الجنائز/حدیث: 11602]

حضرت ابو الصدیق الناجی فرماتے ہیں جب جنازے میں چلتے ہوئے کسی کا تسمہ ٹوٹ جاتا تو وہ جنازے تک نہ پہنچ پاتا (یا بمشکل اس تک پہنچ پاتا)۔ [مصنف ابن ابي شيبه/كتاب الجنائز/حدیث: 11603]

حضرت علقمہ فرماتے ہیں جب میں مر جاؤں تو مجھے جلدی جلدی اور تیز لے کر چلنا۔ [مصنف ابن ابي شيبه/كتاب الجنائز/حدیث: 11604]

حضرت زبرقان فرماتے ہیں کہ میں نے حضرت ابو وائل سے سنا وہ اپنی موت کے وقت فرما رہے تھے جب میں مر جاؤں تو مجھے جلدی لے کر جانا۔ [مصنف ابن ابي شيبه/كتاب الجنائز/حدیث: 11605]

حضرت ابو جعفر فرماتے ہیں کہ حضرت علی بن حسین رحمہ اللہ نے وصیت فرمائی کہ مجھے جلدی لے کر چلنا۔ [مصنف ابن ابي شيبه/كتاب الجنائز/حدیث: 11606]

حضرت مکحول الازدی فرماتے ہیں کہ حضرت عبد اللہ بن عمر رضی اللہ عنہما نے ایک شخص کو یہ کہتے ہوئے سنا، اس کو آہستہ لے کر چلو اللہ تعالیٰ تم پر رحم کرے۔ آپ نے فرمایا: آہستہ؟ تم اسکو ضرور جلدی اور تیز لے کر چلو گے ورنہ میں واپس لوٹ جاؤں گا۔ [مصنف ابن ابي شيبه/كتاب الجنائز/حدیث: 11607]

ابراہیم فرماتے ہیں کہ کہا جاتا تھا: اپنے جنازوں کو تیز لے کر چلو، یہودیوں کی طرح آہستہ آہستہ (رینگتے ہوئے) مت چلو۔ [مصنف ابن ابي شيبه/كتاب الجنائز/حدیث: 11608]

حضرت حسن اور حضرت محمد جنازے کو تیز لے جانے کو پسند فرمایا کرتے تھے۔ [مصنف ابن ابي شيبه/كتاب الجنائز/حدیث: 11609]

حضرت ابو المعتمر فرماتے ہیں کہ ہم ایک جنازے میں تھے، حضرت حسن نے دیکھا وہ جنازہ آہستہ (تاخیر) لے کر جا رہے ہیں۔ آپ نے فرمایا اسکو تیز لے کر چلو اپنی میت کو قید میں مت رکھو (بلکہ جلدی جا کر دفن کردو)۔ [مصنف ابن ابي شيبه/كتاب الجنائز/حدیث: 11610]