حضرت ابن عباس رضی اللہ عنہما حجر اسود کا استلام فرماتے لیکن دھکم پیل نہ کرتے۔ [مصنف ابن ابي شيبه/كتاب الحج/حدیث: 13640]

اور حضرت ابن عمر رضی اللہ عنہما اس طرح کرتے تھے۔ [مصنف ابن ابي شيبه/كتاب الحج/حدیث: 13641]

حضرت ابن عباس رضی اللہ عنہما ارشاد فرماتے ہیں اے لوگو! بیت اللہ کے اندر داخل ہونا تمہارے حج کے ارکان میں سے نہیں ہے۔ [مصنف ابن ابي شيبه/كتاب الحج/حدیث: 13642]

حضرت ابراہیم فرماتے ہیں کہ اگر چاہو بیت اللہ میں داخل ہو جاؤ اور اگر چاہو تو نہ داخل ہو، اور فرماتے ہیں اگر داخل ہو جاؤ تو یہ اچھا ہے لیکن نہ داخل ہونے میں بھی کوئی حرج نہیں ہے اور اگر داخل ہو جاؤ تو داہنی جانب ہو کر درمیانے ستون کی طرف جاؤ اور اس کے پاس نماز ادا کرو۔ [مصنف ابن ابي شيبه/كتاب الحج/حدیث: 13643]

حضرت خیثمہ سے بیت اللہ میں داخل ہونے کے متعلق دریافت کیا گیا؟ آپ نے فرمایا: اللہ کی قسم اگر تو داخل نہ ہو تو تجھے نقصان نہ دے گا۔ [مصنف ابن ابي شيبه/كتاب الحج/حدیث: 13644]

حضرت عطاء فرماتے ہیں کہ اگر چاہو نہ داخل ہو (کوئی حرج نہیں)۔ [مصنف ابن ابي شيبه/كتاب الحج/حدیث: 13645]

حضرت مجاہد فرماتے ہیں کہ جو شخص بیت اللہ میں داخل ہوتا ہے وہ نیکی میں داخل ہوتا ہے اور گناہوں سے نکلتا ہے اور جب وہ واپس نکلتا ہے تو اس کی مغفرت ہوچکی ہوتی ہے۔ [مصنف ابن ابي شيبه/كتاب الحج/حدیث: 13646]

حضرت عائشہ رضی اللہ عنہا سے مروی ہے کہ طواف افاضہ کے بعد حضرت صفیہ کو حیض آگیا، نبی کریم صلی اللہ علیہ وآلہ وسلم کو اس کی اطلاع دی گئی تو آپ صلی اللہ علیہ وآلہ وسلم نے فرمایا: کیا یہ ہمیں روکے رکھے گی؟ میں نے عرض کیا طواف کرنے کے بعد اس کو حیض آیا ہے، آپ صلی اللہ علیہ وآلہ وسلم نے فرمایا پھر اس کو چاہئے لوگوں کے ساتھ ہی نکلے۔ [مصنف ابن ابي شيبه/كتاب الحج/حدیث: 13647]

حضرت عائشہ رضی اللہ عنہا سے اسی طرح مروی ہے اس میں یہ ہے کہ آپ صلی اللہ علیہ وآلہ وسلم نے فرمایا: پھر کوئی بات نہیں۔ [مصنف ابن ابي شيبه/كتاب الحج/حدیث: 13648]

حضرت عائشہ رضی اللہ عنہا فرماتی ہیں کہ رسول اللہ صلی اللہ علیہ وآلہ وسلم کے سامنے حضرت صفیہ کا ذکر ہوا کہ ان کو حیض آگیا ہے آپ صلی اللہ علیہ وآلہ وسلم نے فرمایا: اس کا ستیاناس ہوا مگر وہ ہمیں روکنا چاہتی ہے، حضرت عائشہ رضی اللہ عنہا فرماتی ہیں کہ میں نے عرض کیا کہ انہوں نے یوم النحر میں طواف کرلیا تھا، آپ صلی اللہ علیہ وآلہ وسلم نے فرمایا: پھر کوئی حرج نہیں اس کو حکم دو وہ بھی لوگوں کے ساتھ نکلے۔ [مصنف ابن ابي شيبه/كتاب الحج/حدیث: 13649]