ایک اور سند سے یہی منقول ہے۔ [مصنف ابن ابي شيبه/كتاب النكاح/حدیث: 17000]

حضرت حکم فرماتے ہیں کہ جب حضرت مسروق کی وفات کا وقت آیا تو انہوں نے فرمایا کہ میں نے اپنی اس باندی سے صرف اتنا تعلق رکھا ہے جس سے یہ میرے بیٹوں پر حرام ہوگئی ہے یعنی چھونا اور دیکھنا۔ [مصنف ابن ابي شيبه/كتاب النكاح/حدیث: 17001]

حضرت مجاہد فرماتے ہیں کہ اگر کسی آدمی نے اپنی باندی کی شرمگاہ کو چھوا، یا اپنی شرمگاہ کو اس کی شرمگاہ سے لگایا، یا اس کے بدن سے بدن لگایا تو یہ باندی اس کے باپ اور بیٹوں پر حرام ہوجائے گی۔ [مصنف ابن ابي شيبه/كتاب النكاح/حدیث: 17002]

حسن سے سوال کیا گیا کہ اگر کوئی شخص اپنی باندی کو برہنہ دیکھ لے تو کیا وہ باندی اس کے باپ یا بیٹوں کے لئے حلال ہے؟ وہ اس بات کو مکروہ سمجھتے تھے جبکہ اس نے اپنی باندی کا بوسہ لیا ہو یا شہوت کی وجہ سے اس کے کپڑے اتارے ہوں۔ [مصنف ابن ابي شيبه/كتاب النكاح/حدیث: 17003]

حضرت ابن عمر رضی اللہ عنہما فرماتے ہیں کہ اگر کسی آدمی نے اپنی باندی کے کپڑے اتار کر اسے دیکھا تو یہ اس کے بیٹے کے لئے حلال نہیں۔ [مصنف ابن ابي شيبه/كتاب النكاح/حدیث: 17004]

ابراہیم سے ایک مسئلہ کے بارے میں سوال کیا گیا تو انہوں نے فرمایا کہ لوگوں کا کہنا ہے کہ ایک آدمی نے ایک باندی خریدی تو اس کی بیوی کو خوف ہوا کہ وہ اسے (اپنے لئے) رکھ لے گا، چنانچہ اس عورت نے اپنے ایک نوعمر بیٹے کو حکم دیا کہ وہ اس باندی کے ساتھ لیٹ جائے تاکہ وہ اسے اس کے خاوند پر حرام کردے۔ [مصنف ابن ابي شيبه/كتاب النكاح/حدیث: 17005]

حضرت زہری اس بات کو مکروہ سمجھتے تھے کہ آدمی کسی ایسی عورت سے وطی کرے جس کا اس کے باپ نے بوسہ لیا ہو یا اس کی شرمگاہ کو دیکھا ہو۔ [مصنف ابن ابي شيبه/كتاب النكاح/حدیث: 17006]

حضرت مکحول فرماتے ہیں کہ اگر کوئی شخص اپنی باندی کو برہنہ دیکھ لے تو وہ باندی اس کے باپ یا بیٹوں کے لئے حلال نہ ہوگی۔ [مصنف ابن ابي شيبه/كتاب النكاح/حدیث: 17007]

حضرت جابر بن زید سے سوال کیا گیا کہ ایک آدمی کی باندی ہے، اس نے اس کی شرمگاہ کو چھوا یا اس اس کی شرمگاہ کو دیکھا پھر اپنے بیٹے کو تحفہ میں دے دی تو کیا بیٹا اس سے وطی کرسکتا ہے؟ انہوں نے فرمایا نہیں۔ [مصنف ابن ابي شيبه/كتاب النكاح/حدیث: 17008]

حضرت شعبی فرماتے ہیں کہ حضرت مسروق نے اپنے گھر والوں کو خط میں لکھا کہ میری باندی کو مت بیچنا، میں نے اس سے صرف اتنا تعلق رکھا ہے جو اسے میرے بیٹوں پر حرام کردیتا ہے۔ یعنی چھونا اور دیکھنا۔ [مصنف ابن ابي شيبه/كتاب النكاح/حدیث: 17009]