حضرت ابراہیم رحمہ اللہ فرمایا کرتے تھے کہ اگر بچے کا حصہ رضاعت کو پورا کردے تو اس کے حصے میں سے ہوگی اور اگر نہ ہو تو پھر پورے مال میں سے۔ [مصنف ابن ابي شيبه/كتاب الطلاق/حدیث: 20274]

حضرت شریح رحمہ اللہ فرماتے ہیں کہ دودھ پیتے بچے پر اس کے حصے میں سے خرچ کیا جائے گا وہ تھوڑا ہو یازیادہ۔ [مصنف ابن ابي شيبه/كتاب الطلاق/حدیث: 20275]

ابراہیم رحمہ اللہ فرماتے ہیں کہ ہمارے اصحاب فرمایا کرتے تھے کہ اگر مال بچے کا ہو تو بچے پر جمیع مال میں سے خرچ کیا جائے گا۔ [مصنف ابن ابي شيبه/كتاب الطلاق/حدیث: 20276]

حضرت شریح رحمہ اللہ فرمایا کرتے تھے کہ نفقہ اور رضاعت تمام مال میں سے ہوں گے۔ [مصنف ابن ابي شيبه/كتاب الطلاق/حدیث: 20277]

حضرت مجاہد رحمہ اللہ قرآن مجید کی آیت { وَعَلَی الْوَارِثِ مِثْلُ ذَلِکَ } کی تفسیر میں فرماتے ہیں کہ وارث پر وہی لازم ہے جو اس کے باپ پر لازم تھا یعنی اس کے دودھ کا انتظام کرنا۔ [مصنف ابن ابي شيبه/كتاب الطلاق/حدیث: 20278]

حضرت ابراہیم رحمہ اللہ قرآن مجید کی آیت { وَعَلَی الْوَارِثِ مِثْلُ ذَلِکَ } کی تفسیر میں فرماتے ہیں کہ وارث پر وہی لازم ہے جو اس کے باپ پر لازم تھا یعنی اس کے دودھ کا انتظام کرنا۔ [مصنف ابن ابي شيبه/كتاب الطلاق/حدیث: 20279]

حضرت شعبی رحمہ اللہ اور حضرت ابراہیم رحمہ اللہ قرآن مجید کی آیت { وَعَلَی الْوَارِثِ مِثْلُ ذَلِکَ } کی تفسیر میں فرماتے ہیں کہ اس سے مراد بچے کے دودھ کا انتظام کرنا ہے۔ [مصنف ابن ابي شيبه/كتاب الطلاق/حدیث: 20280]

ابراہیم رحمہ اللہ سے بھی (حماد کے واسطے سے) یہی منقول ہے، ان دونوں (شعبی اور ابراہیم) نے فرمایا کہ اس سے مراد بچے کی رضاعت ہے۔ [مصنف ابن ابي شيبه/كتاب الطلاق/حدیث: 20281]

حضرت حسن رحمہ اللہ قرآن مجید کی آیت { وَعَلَی الْوَارِثِ مِثْلُ ذَلِکَ } کی تفسیر میں فرماتے ہیں کہ اس سے مراد بچے کے دودھ کا انتظام کرنا ہے۔ [مصنف ابن ابي شيبه/كتاب الطلاق/حدیث: 20282]

حضرت حسن رحمہ اللہ فرماتے ہیں کہ وارث پر رضاع لازم ہے لیکن حاملہ کا نفقہ لازم نہیں ہے۔ [مصنف ابن ابي شيبه/كتاب الطلاق/حدیث: 20283]