حضرت زید بن ثابت رضی اللہ عنہ فرماتے ہیں کہ جب ماں بھی ہو اور چچا بھی تو ماں کی ذمہ داری اس کی میراث کے بقدر اور چچا کی ذمہ داری اس کی میراث کے بقدر ہوگی۔ [مصنف ابن ابي شيبه/كتاب الطلاق/حدیث: 20294]

حضرت مسروق رحمہ اللہ فرماتے ہیں کہ جب آدمی نے اپنی بیوی کو طلاق دی اور اس کا دودھ پیتا بچہ تھا تودودھ کا انتظام مرد پر لازم ہوگا۔ [مصنف ابن ابي شيبه/كتاب الطلاق/حدیث: 20295]

حضرت عبد اللہ رضی اللہ عنہ فرماتے ہیں کہ جب آدمی نے اپنی بیوی کو طلاق دی اور اس کا دودھ پیتا بچہ تھا تودودھ کا انتظام مرد پر لازم ہوگا۔ جبکہ بچہ دودھ پینا چھوڑ نہ دے۔ [مصنف ابن ابي شيبه/كتاب الطلاق/حدیث: 20296]

حضرت ضحاک بن عثمان رحمہ اللہ کہتے ہیں کہ میں نے حضرت قاسم بن محمد رحمہ اللہ سے سوال کیا کہ کیا عورت کے لئے اس کی بیٹی کے مال میں سے نفقہ مقرر کیا جائے گا؟ انہوں نے فرمایا ہاں، میں اسے اس کا حق سمجھتا ہوں۔ [مصنف ابن ابي شيبه/كتاب الطلاق/حدیث: 20297]

حضرت ابن جریج رحمہ اللہ فرماتے ہیں کہ میں نے حضرت عطاء رحمہ اللہ سے کہا کہ اگر کسی یتیم کی ماں محتاج ہو تو کیا اس پر اس کے مال میں سے خرچ کیا جاسکتا ہے؟ انہوں نے پوچھا کہ کیا اس کی ماں کے پاس کچھ ہے؟ میں نے عرض کیا نہیں۔ انہوں نے فرمایا کہ ہاں خرچ کیا جاسکتا ہے۔ [مصنف ابن ابي شيبه/كتاب الطلاق/حدیث: 20298]

حضرت عطاء رحمہ اللہ فرماتے ہیں کہ جب تک لعان نہ ہو ایک دوسرے کے وارث ہوں گے۔ [مصنف ابن ابي شيبه/كتاب الطلاق/حدیث: 20299]

حضرت ابراہیم رحمہ اللہ فرماتے ہیں کہ جب تک لعان نہ ہو ایک دوسرے کے وارث ہوں گے۔ [مصنف ابن ابي شيبه/كتاب الطلاق/حدیث: 20300]

حضرت ابراہیم رحمہ اللہ فرماتے ہیں کہ جب لعان سے پہلے دونوں میں سے کوئی ایک مرگیا تو وہ وارث ہوں گے۔ [مصنف ابن ابي شيبه/كتاب الطلاق/حدیث: 20301]

ابراہیم رحمہ اللہ فرماتے ہیں کہ مرد عورت کا وارث ہوگا۔ [مصنف ابن ابي شيبه/كتاب الطلاق/حدیث: 20302]

حضرت حکم رحمہ اللہ فرماتے ہیں کہ مرد کو کوڑے لگائے جائیں گے اور وہ عورت کا وارث ہوگا۔ [مصنف ابن ابي شيبه/كتاب الطلاق/حدیث: 20303]