حضرت شعبی رحمہ اللہ فرماتے ہیں کہ اگر ایک آدمی نے اپنی بیوی سے ایلاء کیا پھر وہ اس کی عدت کے آخری دنوں میں مرگیا تو عورت گیارہ مہینے عدت گزارے گی۔ [مصنف ابن ابي شيبه/كتاب الطلاق/حدیث: 20364]

حضرت حسن رحمہ اللہ فرماتے ہیں کہ خلع طلاق بائنہ ہے۔ اگر خلع لینے والی عورت نے طلاق کی شرط لگائی تو یہ شرط معتبر ہوگی۔ [مصنف ابن ابي شيبه/كتاب الطلاق/حدیث: 20365]

حضرت ابراہیم رحمہ اللہ فرماتے ہیں کہ مکاتبہ باندی کی طلاق کا حکم باندی کی طلاق والا ہے اور اس کی عدت بھی باندی کی عدت کی طرح ہے۔ [مصنف ابن ابي شيبه/كتاب الطلاق/حدیث: 20366]

حضرت ابراہیم رحمہ اللہ فرماتے ہیں کہ نفقہ اس پر ہوگا جس کے پانی پر وہ عدت گزار رہی ہے۔ [مصنف ابن ابي شيبه/كتاب الطلاق/حدیث: 20367]

حضرت حسن رحمہ اللہ فرماتے ہیں کہ میاں بیوی میں سے کسی ایک کو اگر سنگسار کیا گیا تو دوسرے کو میراث ملے گی۔ [مصنف ابن ابي شيبه/كتاب الطلاق/حدیث: 20368]

حضرت علی رضی اللہ عنہ فرماتے ہیں کہ اگر خاوند کو سنگسار کیا گیا تو بیوی کو میراث ملے گی۔ [مصنف ابن ابي شيبه/كتاب الطلاق/حدیث: 20369]

ابراہیم رحمہ اللہ فرماتے ہیں کہ اگر آدمی نے کسی عورت سے شادی کی پھر اس عورت نے بدکاری کا ارتکاب کیا اور اس پر حد جاری ہوئی اور وہ کوڑوں کے نیچے مرگئی تو مرد عورت کا وارث ہوگا۔ [مصنف ابن ابي شيبه/كتاب الطلاق/حدیث: 20370]

حضرت عامر رحمہ اللہ فرماتے ہیں کہ اگر ایک آدمی نے اپنی بیو ی کے زناکار ہونے پر چار گواہ قائم کردیئے تو عورت کو سنگسار کیا جائے گا اور مرد اس کا وارث ہوگا۔ [مصنف ابن ابي شيبه/كتاب الطلاق/حدیث: 20371]

حضرت حسن رحمہ اللہ فرماتے ہیں کہ اگر کسی آدمی نے اپنی نابالغ بیوی پر تہمت لگائی تو اس پر حد اور لعان لازم نہیں ہوں گے۔ [مصنف ابن ابي شيبه/كتاب الطلاق/حدیث: 20372]

حضرت حکم رحمہ اللہ اور حضرت زہری رحمہ اللہ سے سوال کیا گیا کہ اگر کسی آدمی نے عورت سے اس شرط پر شادی کی کہ عورت کا معاملہ آدمی کے ہاتھ میں ہوگا۔ حضرت حکم رحمہ اللہ نے فرمایا کہ یہ کوئی شرط نہیں۔ حضرت زہری رحمہ اللہ نے فرمایا کہ کہیں نہیں ایسا ہی ہوگا۔ حضرت سفیان رحمہ اللہ نے فرمایا کہ میری رائے وہی ہے جو حضرت زہری رحمہ اللہ کی ہے۔ [مصنف ابن ابي شيبه/كتاب الطلاق/حدیث: 20373]