حضرت عامر سے سوتیکپڑوں میں بیع سلم کے متعلق دریافت کیا گیا؟ آپ رحمہ اللہ نے فرمایا کہ میں تو کرتا تھا۔ [مصنف ابن ابي شيبه/كتاب البيوع والأقضية/حدیث: 22746]

حضرت عامر رحمہ اللہ فرماتے ہیں کہ جب کپڑے کا ذراع اور بناوٹ (رقعہ) وغیرہ معلوم ہو تو پھر بیع سلم کرنے میں کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 22747]

حضرت جابر رحمہ اللہ اور حضرت عطا فرماتے ہیں کہ اون اور کپڑوں میں بیع سلم کرنے میں کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 22748]

حضرت قاسم رحمہ اللہ سے سوتی کپڑوں میں بیع سلم کے متعلق دریافت کیا گیا؟ آپ نے فرمایا اگر ذراع اور وقت متعین ہوں تو کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 22749]

حضرت ابن مسعود رضی اللہ عنہ ہر اس چیز کے بیع سلم میں کوئی حرج نہ سمجھتے تھے جس میں وقت متعین ہو سوائے حیوانات کے۔ [مصنف ابن ابي شيبه/كتاب البيوع والأقضية/حدیث: 22750]

حضرت ابن عباس رضی اللہ عنہما سے دریافت کیا گیا کہ اگر کوئی شخص کپڑوں میں بیع سلم کرے تو وہ سپرد کرنے سے پہلے ان کی بیع کرسکتا ہے؟ آپ نے فرمایا کہ نہیں۔ [مصنف ابن ابي شيبه/كتاب البيوع والأقضية/حدیث: 22751]

حضرت علی رضی اللہ عنہ فرماتے ہیں کہ اگر مکاتب پر بدل کتابت کی دو قسطیں لگاتار واجب ہوجائیں اور سال شروع ہوجائے اور وہ اپنی قسطیں ادا نہ کرے تو اس کو دوبارہ غلامی میں لوٹا دیا جائے گا۔ [مصنف ابن ابي شيبه/كتاب البيوع والأقضية/حدیث: 22752]

حضرت ابراہیم رحمہ اللہ فرماتے ہیں کہ اگر مکاتب خود کہہ دے کہ میں بدل کتابت سے عاجز ہوں تو اس کو غلامی میں دوبارہ لوٹا دیا جائے گا۔ [مصنف ابن ابي شيبه/كتاب البيوع والأقضية/حدیث: 22753]

حضرت عطا رحمہ اللہ فرماتے ہیں کہ حضرت ابن عمر رضی اللہ عنہما نے اپنے غلام کو ہزار دینار پر مکاتب بنایا، اس نے سو دینار کم سارا مال ادا کردیا، آپ رضی اللہ عنہ نے اس کو دوبارہ غلامی میں لوٹا دیا۔ [مصنف ابن ابي شيبه/كتاب البيوع والأقضية/حدیث: 22754]

حضرت حارث عکلی فرماتے ہیں کہ جب بدل کتابت کی قسط دوسری قسط میں داخل ہوجائے تو اس سے مکاتب کا عجز ثابت ہوجائے گا۔ [مصنف ابن ابي شيبه/كتاب البيوع والأقضية/حدیث: 22755]