حضرت ابن عباس رضی اللہ عنہما اللہ تعالیٰ کے ارشاد { وَمَنْ کَانَ فَقِیرًا فَلْیَأْکُلْ بِالْمَعْرُوفِ } کے متعلق فرماتے ہیں کہ ناداری کی صورت میں ان کے مال میں سے کھا سکتا ہے۔ [مصنف ابن ابي شيبه/كتاب البيوع والأقضية/حدیث: 22716]

حضرت ابو العالیہ رحمہ اللہ فرماتے ہیں کہ قرض لے کر کھائے۔ [مصنف ابن ابي شيبه/كتاب البيوع والأقضية/حدیث: 22717]

حضرت سعید بن جبیر رحمہ اللہ سے بھی اسی طرح منقول ہے۔ [مصنف ابن ابي شيبه/كتاب البيوع والأقضية/حدیث: 22718]

حضرت ابو وائل رحمہ اللہ سے بھی اسی طرح منقول ہے، ان سب حضرات نے فرمایا کہ قرض کے طور پر۔ [مصنف ابن ابي شيبه/كتاب البيوع والأقضية/حدیث: 22719]

محمد بن کعب سے مروی ہے کہ ایک عورت آئی اور سوال کیا کہ میرے بیٹے اور ان کے بھائی جو ان کے والد کی طرف سے ہیں، یتیم ہیں اور میری کفالت میں ہیں، میرے پاس اپنا مال ہے، میں ان پر اپنا مال خرچ کرتی رہی، یہاں تک کہ وہ ختم ہوگیا، اب ان کا مال موجود ہے اس کے بارے میں آپ کیا فرماتے ہیں؟ آپ نے فرمایا: اپنے ہاتھ ان کے ہاتھوں کے ساتھ رکھو اور معروف طریقے سے کھاؤ۔ [مصنف ابن ابي شيبه/كتاب البيوع والأقضية/حدیث: 22720]

حضرت عطاء رحمہ اللہ اور حضرت عکرمہ رحمہ اللہ فرماتے ہیں کہ اللہ تعالیٰ کے ارشاد { وَمَنْ کَانَ فَقِیرًا فَلْیَأْکُلْ بِالْمَعْرُوفِ } سے مراد یہ ہے کہ اپنے ہاتھ کو رکھ دے۔ [مصنف ابن ابي شيبه/كتاب البيوع والأقضية/حدیث: 22721]

حضرت عائشہ رضی اللہ عنہا فرماتی ہیں کہ اللہ تعالیٰ کا ارشاد { وَمَنْ کَانَ غَنِیًّا فَلْیَسْتَعْفِفْ وَمَنْ کَانَ فَقِیرًا فَلْیَأْکُلْ بِالْمَعْرُوفِ } یتیم کے مال کے اس والی کے متعلق نازل ہوا ہے جو اس کی نگرانی اور اصلاح کرتا ہے، اگر وہ خود محتاج ہو تو اس میں سے کھا سکتا ہے۔ [مصنف ابن ابي شيبه/كتاب البيوع والأقضية/حدیث: 22722]

حضرت شعبی رحمہ اللہ سے مروی ہے کہ ایک خاتون نے ان کے پاس ان یتیموں کے متعلق دریافت کرنے کے لئے بھیجا جو ان کی تربیت میں تھے، وہ ان کی سرپرست تھی، کیا وہ ان کے اموال میں سے کچھ کھا سکتی ہے؟ آپ نے فرمایا: ہاں معروف طریقے سے کھا سکتی ہے۔ [مصنف ابن ابي شيبه/كتاب البيوع والأقضية/حدیث: 22723]

حضرت عائشہ رضی اللہ عنہا ارشاد فرماتی ہیں کہ یتیم کے مال میں سے کھالو اور جتنا کھاؤ اس کو اپنے علم میں رکھو۔ [مصنف ابن ابي شيبه/كتاب البيوع والأقضية/حدیث: 22724]

حضرت عائشہ رضی اللہ عنہا ارشاد فرماتی ہیں کہ میں اس بات کو ناپسند کرتی ہوں کہ یتیم کا مال میرے پاس الگ رکھا ہوں یہاں تک کہ میں اپنے کھانے کو اس کے کھانے کے ساتھ ملا لوں اور اپنے پینے کو اس کے پینے کے ساتھ ملا لوں۔ [مصنف ابن ابي شيبه/كتاب البيوع والأقضية/حدیث: 22725]