حضرت ابو حصین رحمہ اللہ قبیلہ نخع کے ایک شخص سے روایت کرتے ہیں کہ انہوں نے حضرت عمار رضی اللہ عنہ کو ایک شخص سے چارہ (قَت) خریدتے ہوئے دیکھا، آپ اس سے ایک ڈوری کی زیادتی پر جھگڑا فرما رہے تھے اور حضرت عمار رضی اللہ عنہ فرما رہے تھے زیادتی کر، وہ شخص کہہ رہا تھا کہ نہیں۔ [مصنف ابن ابي شيبه/كتاب البيوع والأقضية/حدیث: 22836]

حضرت ابن عمر رضی اللہ عنہما ارشاد فرماتے ہیں کہ جب تم گوشت خریدو تو اس میں زیادتی طلب مت کرو۔ [مصنف ابن ابي شيبه/كتاب البيوع والأقضية/حدیث: 22837]

حضرت ابو الشعثاء فرماتے ہیں کہ عورت کے لئے ہدیہ دینا جائز نہیں ہے جب تک وہ اپنے جیسی کو جنم نہ دے دے۔ [مصنف ابن ابي شيبه/كتاب البيوع والأقضية/حدیث: 22838]

حضرت طاؤس فرماتے ہیں کہ عورت کے لئے خاوند کی اجازت کے بغیر عطیہ (ہدیہ) دینا جائز نہیں ہے۔ [مصنف ابن ابي شيبه/كتاب البيوع والأقضية/حدیث: 22839]

حضرت شعبی رحمہ اللہ فرماتے ہیں کہ جب عورت خاوند کے گھر میں ایک سال گذار لے تو وہ جو بھی تصرف کرے اس کے لئے جائز ہے۔ [مصنف ابن ابي شيبه/كتاب البيوع والأقضية/حدیث: 22840]

ابراہیم رحمہ اللہ فرماتے ہیں کہ جب لڑکی بچہ جَنْ دے یا اس جیسی لڑکی بچہ جَنْ چکی ہو تو اس کے لئے ہبہ کرنا جائز ہے۔ [مصنف ابن ابي شيبه/كتاب البيوع والأقضية/حدیث: 22841]

حضرت شریح رحمہ اللہ فرماتے ہیں کہ حضرت عمر رضی اللہ عنہ نے مجھ سے عہد لیا کہ میں نو بیاہتا لڑکی کے ہبہ کو جائز (نافذ) قرار نہیں دوں گا جب تک کہ وہ اپنے گھر میں سال نہ گذار لے یا اس کے بطن سے بچہ نہ ہوجائے۔ [مصنف ابن ابي شيبه/كتاب البيوع والأقضية/حدیث: 22842]

حضرت شریح رحمہ اللہ سے اسی طرح منقول ہے۔ [مصنف ابن ابي شيبه/كتاب البيوع والأقضية/حدیث: 22843]

حضرت عامر (شعبی) رحمہ اللہ فرماتے ہیں کہ میں نے حضرت شریح رحمہ اللہ کے نام حضرت عمر رضی اللہ عنہ کا مکتوب اس بارے میں پڑھا، اور یہ اس لئے تھا کہ قریش کی ایک نو بیاہتا لڑکی سے اس کے بھائی نے کہا کہ اپنے شوہر کے گھر جانے سے پہلے اپنے والد کی میراث میرے حوالہ کر دے (مجھے صدقہ کر دے) اس نے ایسا ہی کیا پھر اس نے بھائی سے میراث طلب کیا تو اس نے اس کو واپس لوٹا دیا۔ [مصنف ابن ابي شيبه/كتاب البيوع والأقضية/حدیث: 22844]

محمد رحمہ اللہ فرماتے ہیں کہ عورت کے لئے ہبہ کرنا جائز نہیں ہے جب تک کہ اس کو سال نہ گذر جائے یا وہ بچہ نہ جَنْ دے۔ [مصنف ابن ابي شيبه/كتاب البيوع والأقضية/حدیث: 22845]