حضرت ایاس رحمہ اللہ فرماتے ہیں کہ وہ ضامن ہوگا۔ [مصنف ابن ابي شيبه/كتاب البيوع والأقضية/حدیث: 22806]

حضرت عطا رحمہ اللہ فرماتے ہیں کہ اگر شہر سے باہر نکلنے سے منع کیا جائے اور وہ پھر بھی نکل جائے تو وہ ضامن ہوگا۔ [مصنف ابن ابي شيبه/كتاب البيوع والأقضية/حدیث: 22807]

ابراہیم رحمہ اللہ فرماتے ہیں کہ اگر امانت دار، عاریۃ لینے والا اور مستبضع (سامان تجارت بنانے والا) اگر طے شدہ شرائط کے خلاف کریں تو ضامن ہوں گے۔ [مصنف ابن ابي شيبه/كتاب البيوع والأقضية/حدیث: 22808]

حضرت جابر رضی اللہ عنہ فرماتے ہیں کہ حضرت ابوبکر رضی اللہ عنہ نے امانت میں ضامن نہیں بنایا تھا۔ [مصنف ابن ابي شيبه/كتاب البيوع والأقضية/حدیث: 22809]

حضرت عبد اللہ بن عکیم سے مروی ہے کہ ایک شخص نے دوسرے کو امانت دی وہ اس سے ہلاک ہوگئی تو حضرت عمر رضی اللہ عنہ نے اس کو ضامن نہیں بنایا۔ [مصنف ابن ابي شيبه/كتاب البيوع والأقضية/حدیث: 22810]

حضرت زہری رحمہ اللہ فرماتے ہیں امانت رکھنے والے اور عاریۃ کسی چیز کو لینے والے پر ضمان نہیں ہے، ہاں اگر ان پر الزام لگ جائے (خود ہلاک کرنے کا) تو پھر ضمان ہے۔ [مصنف ابن ابي شيبه/كتاب البيوع والأقضية/حدیث: 22811]

حضرت حارث اور حضرت حکم رحمہ اللہ فرماتے ہیں کہ اگر وہ کسی عادل شخص کے قبضہ میں ہو تو پھر اس کے رہن ہونے میں کوئی حرج نہیں ہے۔ [مصنف ابن ابي شيبه/كتاب البيوع والأقضية/حدیث: 22812]

اور اشعث کے واسطے سے حضرت حکم رحمہ اللہ سے بھی یونہی مروی ہے، یہ دونوں حضرات اس میں کوئی حرج نہیں سمجھتے تھے کہ رہن کسی عادل شخص کے قبضہ میں ہو۔ [مصنف ابن ابي شيبه/كتاب البيوع والأقضية/حدیث: 22813]

حضرت شعبی رحمہ اللہ فرماتے ہیں کہ وہ رہن ہے۔ [مصنف ابن ابي شيبه/كتاب البيوع والأقضية/حدیث: 22814]

حضرت حکم رحمہ اللہ فرماتے ہیں کہ جب تک اس کا صاحب اس پر قبضہ (وصول نہ ہوجائے) نہ کرلے وہ رہن شمار نہ ہوگا۔ [مصنف ابن ابي شيبه/كتاب البيوع والأقضية/حدیث: 22815]