حضرت اشعث فرماتے ہیں کہ ایک شخص نے دوسرے کو دیوار عاریۃً دی اور اس نے اس پر تعمیر کردی، حضرت شریح نے دیوار والے سے فرمایا: اس کو نفقہ دو۔ [مصنف ابن ابي شيبه/كتاب البيوع والأقضية/حدیث: 23926]

حضرت شریح فرماتے ہیں کہ جب نقدی کے متعلق اختلاف ہو، تو تیرے لئے، جید، اچھا اور پاکیزہ ہے، اگر اعلیٰ چلا جائے تو اسفل کی طرف اتر (اُس کو چھوڑ دے)۔ [مصنف ابن ابي شيبه/كتاب البيوع والأقضية/حدیث: 23927]

حضرت موسیٰ بن سالم رحمہ اللہ سے مروی ہے کہ جب حجاج نے اہل الارض کو جلا وطن کیا، میرے پاس ایک خاتون مکتوب لے کر آئی، اس کا خیال تھا کہ جسے آزاد کیا گیا وہ اس کے والد ہیں۔ (کہنے لگی) یہ وہ ہے جس کو طلحہ بن عبید اللہ نے فلان بن فلان سے خریدا، اس سے اس کا صحن دینار یا درہم کے بدلے میں خریدا پانچ سو درہم کے بدلے میں جو جید، عمدہ اور اچھے تھے۔ [مصنف ابن ابي شيبه/كتاب البيوع والأقضية/حدیث: 23928]

حضرت حذیفہ رضی اللہ عنہ نے قبیلہ نخع کے دو شخصوں سے اونٹنی خریدی، اور شرط لگا دی کہ جس پر وہ دونوں راضی ہوں گے وہ نقدی دی گے، پھر وہ ان دونوں کو اپنے مکان پر لائے، اور ان کے لیے ایک تھیلی نکالی، انہوں نے کہا یہ کھوٹے ہیں، انہوں نے پھر ایک اور تھیلی نکالی، انہوں نے پھر کہا یہ کھوٹے ہیں، حضرت حذیفہ رضی اللہ عنہ نے فرمایا: میں تم دونوں سے اللہ کی پناہ چاہتا ہوں، میں نے خود رسول اکرم صلی اللہ علیہ وسلم کو یہ فرماتے سنا ہے کہ، جو شخص اپنے ساتھی پر شرط لگائے وہ اس کو اس کے لئے پورا نہ کرے، تو وہ اس شخص کی طرح ہے جو اپنے پڑوسی کو ایسی جگہ لٹکا دے جہاں کوئی حفاظت نہ ہو۔ [مصنف ابن ابي شيبه/كتاب البيوع والأقضية/حدیث: 23929]

حضرت ابراہیم فرماتے ہیں کہ اگر کوئی شخص ملاح کو غلّہ دے تو جو اس میں کمی ہوگی وہ اس کا ضامن ہوگا۔ [مصنف ابن ابي شيبه/كتاب البيوع والأقضية/حدیث: 23930]

حضرت عطاء اس شخص کے متعلق فرماتے ہیں جو کیل کے حساب سے کھانا کسی علاقے تک لے جانے کے لئے کرایہ پر دے، اگر اس میں اضافہ ہو تو وہ ان کے لئے ہے، اور اگر نقصان ہوجائے تو وہ بھی ان پر ہے، اور اگر کرایہ والے اس پر راضی ہوں اور اس کا اقرار بھی کریں تو پھر کوئی حرج نہیں۔ [مصنف ابن ابي شيبه/كتاب البيوع والأقضية/حدیث: 23931]

حضرت ابن سیرین رحمہ اللہ اس شخص کے متعلق فرماتے ہیں جس نے کرایہ پر دیا ملاح کو اس شرط کے ساتھ کہ نقصان اس پر ہے، اور جو اضافہ ہوگا وہ اسی کا ہے، فرمایا زیادتی کھانے کے مالک کے لئے ہے اور نقصان ملاح پر ہے۔ [مصنف ابن ابي شيبه/كتاب البيوع والأقضية/حدیث: 23932]

حضرت حسن سے دریافت کیا گیا کہ ملاح اگر غلہ اٹھائے؟ فرمایا: زیادتی اس کے لئے ہے اور نقصان اس پر ہے۔ [مصنف ابن ابي شيبه/كتاب البيوع والأقضية/حدیث: 23933]

حضرت عثمان ہر چیز کی بیع قبضہ سے پہلے کرنے میں کوئی حرج نہیں سمجھتے تھے سوائے کیلی اور وزنی چیزوں کے۔ [مصنف ابن ابي شيبه/كتاب البيوع والأقضية/حدیث: 23934]

حضرت سعید بن المسیب سے اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 23935]