حضرت شعبی رحمہ اللہ سے اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 24646]

حضرت شعبی رحمہ اللہ اس شخص کے متعلق فرماتے ہیں جو کسی شخص سے طعام غصب کرے، تو اس کی مثل اس کو لوٹانا ہوگا۔ [مصنف ابن ابي شيبه/كتاب البيوع والأقضية/حدیث: 24647]

حضرت عیسیٰ الخباط سے مروی ہے کہ میں نے حضرت سعید بن المسیب سے دریافت کیا کہ ایک شخص نے وزن اٹھانے والا کرایہ پر لیا اور اس پر طعام لاد دیا، پھر اس میں سے کچھ گھر والوں کے لئے رکھ دیا، پھر فرمایا: دیکھو کیسے تم لوگ فروخت کرتے ہو پھر اس کا مجھ پر حساب کرو؟ حضرت سعید نے فرمایا: اس پر اس طعام کے مثل واجب ہے۔ [مصنف ابن ابي شيبه/كتاب البيوع والأقضية/حدیث: 24648]

حضرت شریح اس آدمی سے قطعی قسم اٹھواتے تھے جس کے والد پر دین کا دعویٰ کیا گیا ہو، پس اگر وہ قسم اٹھا لے تو ٹھیک، وگرنہ اُ س سے لیا جائے گا، اور اگر تیرے والد کا کسی انسان پر دین ہو جس کا تو اس سے دعویٰ کرے تو تو گواہ قائم کرے گا، پس اگر تو اپنی گواہی کے ساتھ قسم اٹھا لے تو ٹھیک، وگرنہ وہ تجھے نہیں دے گا۔ [مصنف ابن ابي شيبه/كتاب البيوع والأقضية/حدیث: 24649]

حضرت ابراہیم فرماتے ہیں کہ ان دونوں معاملات میں علم پر قسم اٹھوائی جائے گی۔ [مصنف ابن ابي شيبه/كتاب البيوع والأقضية/حدیث: 24650]

حضرت شعبی رحمہ اللہ سے مروی ہے کہ حضرت شریح غائب اور حاضر دونوں طرح کے معاملات پر قطعی قسم (حلف البتہ) طلب کرتے تھے۔ [مصنف ابن ابي شيبه/كتاب البيوع والأقضية/حدیث: 24651]

راوی فرماتے ہیں کہ میں نے حضرت عامر سے عرض کیا کہ آپ کی کیا رائے ہے اگر کوئی شخص میرے والد پر کسی مال کا دعویٰ کرے جس کے متعلق مجھے علم نہ ہو، کیا مجھ پر قطعی قسم اٹھانا لازم ہوگا؟ فرمایا ہاں، ہم نے اس پر شدید انکار کیا تو انہوں نے فرمایا: قسم کو اس کی طرف پھیر دو جو اس کے بارے میں تم سے زیادہ جانتا ہو۔ [مصنف ابن ابي شيبه/كتاب البيوع والأقضية/حدیث: 24652]

راوی فرماتے ہیں کہ حضرت عامر اسی کو اختیار کرتے تھے۔ [مصنف ابن ابي شيبه/كتاب البيوع والأقضية/حدیث: 24653]

ابراہیم فرماتے ہیں کہ جس معاملے کا ذمہ دار آدمی خود رہا ہو اس میں اس سے حلف البتہ طلب کیا جائے گا، اور جس معاملے کا ذمہ دار اس کے علاوہ کوئی اور رہا ہو اس میں اس کے علم پر قسم طلب کی جائے گی۔ [مصنف ابن ابي شيبه/كتاب البيوع والأقضية/حدیث: 24654]

حضرت ابراہیم فرماتے ہیں کہ کسی شخص کے والد پر دعویٰ کیا جائے تو اس کے علم پر قسم طلب کی جائے گی۔ [مصنف ابن ابي شيبه/كتاب البيوع والأقضية/حدیث: 24655]