حضرت ایوب، حضرت محمد بن سیرین سے نقل کرتے ہیں کہ ورثاء اس میں سے صرف اسی چیز کے وارث ہوں گے جس کا وہ اپنی زندگی میں مالک تھا۔ [مصنف ابن ابي شيبه/كتاب البيوع والأقضية/حدیث: 24626]

حضرت عامر سے دریافت کیا گیا کہ ایک خاتون نے اپنے غلام میں کچھ مہینوں کے لئے سلم کیا ہے پھر خاتون مقررہ مدت سے قبل ہی فوت ہوگئی؟ حضرت عامر نے اس کی بہن سے فرمایا، وہ آپ کا غلام ہے اگر چاہو تو لے لو اور اگر چاہو تو چھوڑ دو۔ [مصنف ابن ابي شيبه/كتاب البيوع والأقضية/حدیث: 24627]

حضرت محمد رحمہ اللہ دلال کے ضامن بننے کو ناپسند کرتے تھے۔ [مصنف ابن ابي شيبه/كتاب البيوع والأقضية/حدیث: 24628]

حضرت زہری رحمہ اللہ اس شخص کے متعلق فرماتے ہیں جس نے اپنے غلام کو مدبر بنایا پھر وہ اس حال میں فوت ہوا کہ اس پر قرضہ ہے تو غلام اس کے قرض کی ادائیگی کے لئے کوشش (سعی) کرے گا۔ [مصنف ابن ابي شيبه/كتاب البيوع والأقضية/حدیث: 24629]

حضرت شعبی رحمہ اللہ فرماتے ہیں کہ اگر ایک شخص دوسرے کو شریک کرے اور قیمت نقد نہ دے تو اس پر سامان کا نقصان نہیں ہے، بیشک یہ تو ایک عطیہ ہے جو اس نے اس کو دیا ہے۔ [مصنف ابن ابي شيبه/كتاب البيوع والأقضية/حدیث: 24630]

حضرت زہری اُ س شخص کے متعلق فرماتے ہیں جس نے بکریوں کے بدلہ غلام فروخت کیا پھر ان بکریوں نے بچے جنے اور بکریاں زیادہ ہوگئیں پھر غلام میں عیب پایا گیا جو اس سے پوشیدہ رکھا گیا تھا، فرمایا وہ اس کو واپس کر دے گا، اور اس کے لئے بکریوں کے مثل دینا پڑے گا، یا پھر جس طرح وصول کیے تھے اسی طرح دے۔ [مصنف ابن ابي شيبه/كتاب البيوع والأقضية/حدیث: 24631]

محمد اور حسن سے مروی ہے کہ اگر کوئی شخص قرض کے بدلہ قرآن رہن رکھوا دے تو اس کی تلاوت نہیں کرے گا اگرچہ وہ اس کی اجازت بھی دے دے اور اگر بیع میں ہو اور اس کا ساتھی اجازت دے دے تو پھر پڑھ لے وگرنہ اس میں نہ پڑھے۔ [مصنف ابن ابي شيبه/كتاب البيوع والأقضية/حدیث: 24632]

حضرت محمد رحمہ اللہ اس بات کو ناپسند فرماتے تھے کہ کوئی شخص صحن خانہ کو کرایہ پر لے اور اس کی اجرت سے وہاں عمارت تعمیر کر دے۔ [مصنف ابن ابي شيبه/كتاب البيوع والأقضية/حدیث: 24633]

حضرت محمد رحمہ اللہ اس بات کو ناپسند کرتے تھے کہ رہنے والا شخص اجرت (کرایہ) میں جلدی کرے۔ [مصنف ابن ابي شيبه/كتاب البيوع والأقضية/حدیث: 24634]

حضرت ابن عون سے مروی ہے کہ ایک شخص تھا جس نے اپنے نفس کو ہزار درہم کے بدلہ ایک سال کے لئے کرایہ پر دیا، اس نے مجھ سے کہا کہ حضرت محمد رحمہ اللہ سے دریافت کرو، تحقیق ان لوگوں نے میرے لئے جلدی کی ہے، میں نے حضرت محمد رحمہ اللہ سے اس کے متعلق دریافت کیا؟ آپ نے فرمایا: میں اس میں کوئی حرج نہیں سمجھتا۔ [مصنف ابن ابي شيبه/كتاب البيوع والأقضية/حدیث: 24635]