ابراہیم فرماتے ہیں کہ مال مضمون کا کوئی نفع نہیں۔ فرمایا: اس کا مطلب یہ ہے کہ: ایک شخص دوسرے سے مال مضاربت یہ کہہ کرلے کہ میں تیرا ضامن ہوں اور نصف یا ثلث نفع تیرا ہے۔ [مصنف ابن ابي شيبه/كتاب البيوع والأقضية/حدیث: 24776]

حضرت عامر اس شخص کے متعلق فرماتے ہیں جس نے سامان خریدنے کے بعد اس میں عیب پایا، پھر اس سامان کو فروخت کرنے کے لئے پیش کیا، تو اس کو اب واپس کرنے کا اختیار حاصل نہیں۔ [مصنف ابن ابي شيبه/كتاب البيوع والأقضية/حدیث: 24777]

حضرت ابراہیم سے بھی اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 24778]

حضرت شریح رحمہ اللہ فرماتے ہیں کہ جب کوئی شخص سامان میں عیب دیکھنے کے بعد اس کو فروخت کرنے کے لئے پیش کرے تو اس پر بیع نافذ ہوجائے گی واپس کرنے کا اختیار ختم ہوجائے گا۔ [مصنف ابن ابي شيبه/كتاب البيوع والأقضية/حدیث: 24779]

حضرت شریح فرماتے ہیں کہ جب کوئی شخص باندی یا سامان خریدے پھر اس سے ہمبستری کرے یا اس کو عیب دیکھنے کے بعد فروخت کرنے کے لئے پیش کر دے تو اس پر بیع لازم ہوجائے گی خیار ختم ہوجائے گا۔ [مصنف ابن ابي شيبه/كتاب البيوع والأقضية/حدیث: 24780]

حضرت عامر اور حضرت ابو جعفر رحمہما اللہ اس بات کو ناپسند کرتے تھے کہ کوئی شخص اس طرح بیع کرے کہ وہ دینار کو اتنے اتنے میں لے گا۔ [مصنف ابن ابي شيبه/كتاب البيوع والأقضية/حدیث: 24781]

حضرت ابراہیم سے بھی اسی طرح مروی ہے۔ [مصنف ابن ابي شيبه/كتاب البيوع والأقضية/حدیث: 24782]

حضرت عامر سے مروی ہے کہ ان سے دریافت کیا گیا کہ کوئی شخص گندم اس طرح خریدتا ہے کہ اتنے درہم میں یعنی ایک دینار دس درہم کے ساتھ۔ [مصنف ابن ابي شيبه/كتاب البيوع والأقضية/حدیث: 24783]

فرمایا مجھ سے حضرت مسروق نے حضرت عبد اللہ رضی اللہ عنہ سے بیان کیا ہے کہ ایک صفقہ میں دو صفقے کرنا درست نہیں۔ [مصنف ابن ابي شيبه/كتاب البيوع والأقضية/حدیث: 24784]

حضرت عامر فرماتے ہیں کہ اگر بیع میں شرط نہ لگائی ہو تو پھر باندی کو حیض کی وجہ سے واپس نہیں لٹائے گا۔ [مصنف ابن ابي شيبه/كتاب البيوع والأقضية/حدیث: 24785]