حضرت ابو وائل سے روایت ہے، کہتے ہیں کہ حضرت عبد اللہ کے پاس دیہاتی لوگوں کی ایک جماعت آئی اور آپ سے کھجور کے غیر پختہ عرق کے بارے میں سوال کیا؟ تو آپ نے جواب دیا: یقینا اللہ تعالیٰ نے جو چیزیں تم پر حرام کیں ہیں ان میں تمہارے لئے شفاء نہیں رکھی۔ [مصنف ابن ابي شيبه/كتاب الأشربة/حدیث: 25389]

حضرت مسروق، بھی حضرت عبد اللہ سے ایسی بات نقل کرتے ہیں۔ [مصنف ابن ابي شيبه/كتاب الأشربة/حدیث: 25390]

حضرت ابو وائل سے روایت ہے، کہتے ہیں کہ قبیلہ کے ایک آدمی کو پیٹ کی شکایت ہوگئی۔ اس آدمی کو کہا گیا کہ تمہارے پیٹ میں کیڑے ہیں۔ اور حکیموں نے اس کے لیئے کھجور کا غیر پختہ عرق تجویز کیا۔ اس آدمی نے حضرت عبد اللہ کی طرف ایک آدمی یہ مسئلہ دریافت کرنے کو بھیجا؟ تو حضرت عبد اللہ نے جواب میں ارشاد فرمایا: یقینا اللہ تعالیٰ نے جس چیز کو تم پر حرام کیا ہے اس میں تمہاری شفاء نہیں رکھی۔ [مصنف ابن ابي شيبه/كتاب الأشربة/حدیث: 25391]

حضرت سعید بن جبیر سے روایت ہے، کہتے ہیں کہ کھجور کا غیر پختہ عرق خمر ہے۔ [مصنف ابن ابي شيبه/كتاب الأشربة/حدیث: 25392]

حضرت عامر سے روایت ہے۔ کہتے ہیں کہ کھجور کا غیر پختہ عرق خمر ہے۔ [مصنف ابن ابي شيبه/كتاب الأشربة/حدیث: 25393]

حضرت ابو وائل، حضرت عبد اللہ سے روایت کرتے ہیں کہ انہوں نے فرمایا: انگور کی نبیذ خمر (کے حکم میں) ہے۔ [مصنف ابن ابي شيبه/كتاب الأشربة/حدیث: 25394]

حضرت عبد اللہ بن الولید سے روایت ہے۔ کہتے ہیں کہ مجھے میمونہ بنت عبد الرحمن بن معقل نے بیان کیا کہ ان کے والد سے کشمش بھگوئے ہوئے پانی کے بارے میں سوال کیا گیا؟ تو انہوں نے اس کو ناپسند فرمایا۔ [مصنف ابن ابي شيبه/كتاب الأشربة/حدیث: 25395]

حضرت عبد اللہ بن مسعود رضی اللہ عنہ کے غلام حضرت بکیر، سعید بن جبیر سے روایت کرتے ہیں کہ انہوں نے فرمایا: کشمش کی پرانی اور عمدہ نبیذ پینے سے زیادہ مجھے یہ بات محبوب ہے کہ میں ایسا گدھا بنادیا جاؤں جس پر پانی ڈھویا جاتا ہے۔ [مصنف ابن ابي شيبه/كتاب الأشربة/حدیث: 25396]

حضرت ابو جعفر، حضرت عامر اور حضرت عطاء (ان سب) کے بارے میں روایت ہے کہ یہ انگور کی نبیذ کو مکروہ سمجھتے تھے۔ [مصنف ابن ابي شيبه/كتاب الأشربة/حدیث: 25397]

حضرت سعید بن جبیر، حضرت ابن عمر رضی اللہ عنہما کے بارے میں روایت کرتے ہیں کہ ان سے کشمش بھگوئے ہوئے پانی کے بارے میں سوال کیا گیا؟ تو انہوں نے فرمایا؛ خمر سے اجتناب کرو۔ [مصنف ابن ابي شيبه/كتاب الأشربة/حدیث: 25398]