حضرت قابوس کے والد فرماتے ہیں کہ حضرت ابن عباس رضی اللہ عنہما نے اللہ رب العزت کے اس قول { قَسَمٌ لِذِی حِجْرٍ } ترجمہ: قسم عقل مندوں کے لیے، کے بارے میں ارشاد فرمایا: دانش مند اور عقل والے مراد ہیں۔ [مصنف ابن ابي شيبه/ كتاب الأدب/حدیث: 27624]

حضرت عاصم فرماتے ہیں کہ حضرت عکرمہ نے اللہ رب العزت کے اس قول: { قَسَمٌ لِذِی حِجْرٍ } کے بارے میں ارشاد فرمایا: کہ دانش مند اور عقل مند لوگ مراد ہیں۔ [مصنف ابن ابي شيبه/ كتاب الأدب/حدیث: 27625]

حضرت ھلال بن خباب فرماتے ہیں کہ حضرت مجاہد نے اللہ رب العزت کے اس قول { قَسَمٌ لِذِی حِجْرٍ } کے بارے میں ارشاد فرمایا: کہ عقل مند لوگ مراد ہیں۔ [مصنف ابن ابي شيبه/ كتاب الأدب/حدیث: 27626]

حضرت ابو نصر فرماتے ہیں کہ حضرت ابن عباس رضی اللہ عنہما نے اللہ رب العزت کے اس قول { قَسَمٌ لِذِی حِجْرٍ } کے بارے میں یوں ارشادفرمایا: کہ دانش مند لوگ مراد ہیں۔ [مصنف ابن ابي شيبه/ كتاب الأدب/حدیث: 27627]

حضرت جویبر فرماتے ہیں کہ حضرت ضحاک نے اللہ رب العزت کے اس قول { قَسَمٌ لِذِی حِجْرٍ } کے بارے میں ارشاد فرمایا: کہ عقل مند لوگ مراد ہیں۔ [مصنف ابن ابي شيبه/ كتاب الأدب/حدیث: 27628]

حضرت عبد اللہ بن عمرو رضی اللہ عنہ فرماتے ہیں کہ رسول اللہ صلی اللہ علیہ وآلہ وسلم نے سفید بال اکھیڑنے سے منع کیا اور فرمایا: یہ مومن کا نور ہے۔ [مصنف ابن ابي شيبه/ كتاب الأدب/حدیث: 27629]

حضرت طلق بن حبیب فرماتے ہیں کہ حجام نے نبی کریم صلی اللہ علیہ وآلہ وسلم کی مونچھ کو چھانٹا اس نے نبی کریم صلی اللہ علیہ وآلہ وسلم کی داڑھی میں ایک سفید بال دیکھا تو اس کی طرف ہاتھ بڑھایا، تو رسول اللہ صلی اللہ علیہ وآلہ وسلم نے اس کا ہاتھ پکڑلیا اور ارشاد فرمایا: جو شخص اسلام میں بوڑھا ہو تو قیامت کے دن اس کے لیے ایک نور ہوگا۔ [مصنف ابن ابي شيبه/ كتاب الأدب/حدیث: 27630]

حضرت قتادہ فرماتے ہیں کہ حضرت انس سفید بالوں کے اکھیڑنے کو مکروہ سمجھتے تھے۔ [مصنف ابن ابي شيبه/ كتاب الأدب/حدیث: 27631]

حضرت قتادہ فرماتے ہیں کہ حضرت سعید بن جبیر نے ارشاد فرمایا: سفید بال اکھیڑنے کی وجہ سے ایک آدمی کو عذاب دیا گیا۔ [مصنف ابن ابي شيبه/ كتاب الأدب/حدیث: 27632]

حضرت حمید اعرج فرماتے ہیں کہ حضرت مجاہد فرمایا کرتے تھے کہ تم سفید بالوں کو مت اکھیڑو۔ بیشک یہ قیامت کے دن نور ہوگا۔ [مصنف ابن ابي شيبه/ كتاب الأدب/حدیث: 27633]