حضرت معمر فرماتے ہیں کہ حضرت زھری نے ارشاد فرمایا: اس کی سزا غلام کی سزا ہوگی۔ [مصنف ابن ابي شيبه/كتاب الحدود/حدیث: 30170]

حضرت ابراہیم فرماتے ہیں کہ حضرت علی رضی اللہ عنہ اس مکاتب غلام کے بارے میں جو کسی قابل حد جرم کا ارتکاب کرے فرماتے ہیں کہ اس کی ادائیگی کے بقدر اسے سزا دی جائے گی۔ [مصنف ابن ابي شيبه/كتاب الحدود/حدیث: 30171]

حضرت ابن عباس رضی اللہ عنہما، حضرت مجاہد اور حضرت سعید بن جبیر فرماتے ہیں کہ باندی پر حد نہں ر ہوگی یہاں تک کہ وہ شادی شدہ ہوجائے۔ [مصنف ابن ابي شيبه/كتاب الحدود/حدیث: 30172]

حضرت مجاہد سے بھی اسی طرح منقول ہے۔ [مصنف ابن ابي شيبه/كتاب الحدود/حدیث: 30173]

حضرت سعید بن جبیر سے بھی اسی طرح منقول ہے، ان سب حضرات نے فرمایا: باندی پر حد نہیں ہوگی یہاں تک کہ وہ شادی شدہ ہوجائے۔ [مصنف ابن ابي شيبه/كتاب الحدود/حدیث: 30174]

حضرت جعفر فرماتے ہیں کہ حضرت سعید بن جبیر نے ارشاد فرمایا: باندی کو کوڑے نہیں مارے جائیں گے یہاں تک کہ وہ شادی شدہ ہوجائے۔ [مصنف ابن ابي شيبه/كتاب الحدود/حدیث: 30175]

حضرت منصور فرماتے ہیں کہ حضرت مجاہد نے ارشاد فرمایا: مکہ والے کہتے ہیں کہ جب باندی گناہ کا کا م کرے اور وہ اس سے پہلے شادی شدہ نہیں تھی تو اس پر حد قائم نہیں کی جائے گی۔ [مصنف ابن ابي شيبه/كتاب الحدود/حدیث: 30176]

حضرت مجاہد فرماتے ہیں کہ حضرت ابن عباس رضی اللہ عنہما نے ارشاد فرمایا: باندی پر حد نہیں ہوگی یہاں تک کہ وہ کسی سے شادی کرلے۔ [مصنف ابن ابي شيبه/كتاب الحدود/حدیث: 30177]

حضرت مجالد فرماتے ہیں کہ حضرت عامر نے ارشاد فرمایا، حد میں جانچ پڑتال نہیں ہوگی۔ [مصنف ابن ابي شيبه/كتاب الحدود/حدیث: 30178]

حضرت عمران بن حدیر فرماتے ہیں کہ حضرت ابو مجلز نے ارشاد فرمایا: تہمت کے معاملے میں آزمائش یہ ہے کہ وہ اسے دھمکائے اور اس پر چیخے چلائے اور اگر تم نے اسے ایک کوڑا بھی مارا تو اس کا اعتراف قابل قبول نہیں ہوگا۔ [مصنف ابن ابي شيبه/كتاب الحدود/حدیث: 30179]