حضرت مغیرہ ابراہیم سے نقل کرتے ہیں کہ ان دونوں حضرات (مجاہد اور ابراہیم) نے ارشاد فرمایا: تہمت لگانے والے کو مارا جائے گا اس حال میں کہ اس کے بدن پر کپڑے موجود ہوں۔ [مصنف ابن ابي شيبه/كتاب الحدود/حدیث: 30200]

حضرت سعد بن ابراہیم فرماتے ہیں کہ ان کے والد ابراہیم نے ارشاد فرمایا: بیشک مجھے اس بکری کی کھال یاد ہے جس کے بارے میں میری ماں نے حکم دیا تو اس کو ذبح کردیا گیا تھا جب حضرت عمر نے حضرت ابو بکرہ کو کوڑے مارے تھے تو اس کی کھال ان کی کمر پر ڈال دی گئی تھی مار کی شدت کی وجہ سے۔ [مصنف ابن ابي شيبه/كتاب الحدود/حدیث: 30201]

حضرت مطرف فرماتے ہیں کہ حضرت شعبی نے ارشاد فرمایا: تہمت لگانے والے کو کوڑے مارے جائیں گے درآنحالیکہ اس نے کپڑے پہنے ہوئے ہوں مگر یہ کہ پوستین لگا ہوا کپڑا یا روئی سے بھرا ہوا جبہ نہ ہوتا کہ وہ مار کی شدت محسوس کرے۔ [مصنف ابن ابي شيبه/كتاب الحدود/حدیث: 30202]

حضرت ولید بن ابو مالک فرماتے ہیں کہ حضرت ابو عبیدہ بن جراح کے پاس کسی سزا کے معاملہ میں ایک آدمی لایا گیا تو وہ آدمی خود اپنی قمیص اتارنے لگا اور کہا: میرے اس گناہ گار جسم کے لیے مناسب نہیں ہے کہ اسے قمیص پہننے کی حالت میں مارا جائے۔ حضرت ابو عبد ہ نے فرمایا: تم اسے قمیص اتارنے کے لیے مت چھوڑو پس آپ نے اس کی قمیص پر ہی کوڑے مارے۔ [مصنف ابن ابي شيبه/كتاب الحدود/حدیث: 30203]

حضرت شعبہ فرماتے ہیں کہ حضرت حماد نے ارشاد فرمایا: تہمت لگانے والے کو مارا جائے گا درآنحالیکہ اس نے کپڑے پہنے ہوئے ہوں۔ [مصنف ابن ابي شيبه/كتاب الحدود/حدیث: 30204]

حضرت اسماعیل فرماتے ہیں کہ حضرت حسن بصری نے ارشاد فرمایا: جب آدمی سردی میں کسی پر تہمت لگائے تو اسے گرمیوں کے کپڑے نہیں پہنائے جائیں گے لیکن اسے ان ہی کپڑوں میں کوڑے مارے جائیں جن میں اس نے تہمت لگائی تھی اور جب وہ گرمی میں تہمت لگائے تو اسے سردیوں کے کپڑے نہیں پہنائے جائیں گے اسے ان ہی کپڑوں میں کوڑے مارے جائیں گے جن میں اس نے تہمت لگائی تھی۔ [مصنف ابن ابي شيبه/كتاب الحدود/حدیث: 30205]

ابراہیم فرماتے ہیں کہ ان کی والدہ نے ارشاد فرمایا: بیشک مجھے بکری کی کھال ضرور یاد ہے۔ پھر انہوں نے ابن علیہ کی ماقبل میں گزری ہوئی حدیث والا مضمون بیان کیا۔ [مصنف ابن ابي شيبه/كتاب الحدود/حدیث: 30206]

سلمہ بن مجنون کہتے ہیں کہ میں نے ایک شخص سے کہا اے اپنی والدہ کے ساتھ کرنے والے تو اس بات پر لوگوں نے مجھے حضرت ابو ہریرہ رضی اللہ عنہ کے سامنے پیش کردیا۔ آپ نے مجھے مارا اور آپ نے مجھے تکلیف نہیں دی مگر ایک کوڑے کی جو دوسرے کوڑے پر پڑا ہوا تھا۔ [مصنف ابن ابي شيبه/كتاب الحدود/حدیث: 30207]

حضرت ابو اسحاق فرماتے ہیں کہ میرے قبیلہ کے ایک آدمی سے مروی ہے کہ صبیریین علاقہ کی ایک عورت نے زنا کیا تو اس کے گھر والوں نے اسے ریشم کی قمیص پہنا کر اسے حضرت علی رضی اللہ عنہ کے سامنے پیش کیا تو آپ نے اسے پہننے کی حالت میں ہی کوڑے مارے۔ [مصنف ابن ابي شيبه/كتاب الحدود/حدیث: 30208]

حضرت سوار فرماتے ہیں کہ میں حضرت ابو برزہ کے پاس حاضر تھا کہ انہوں نے اپنی باندی کو مارا جس نے زنا کیا تھا درآنحالیکہ اس نے اوڑھنی پہنی ہوئی تھی۔ [مصنف ابن ابي شيبه/كتاب الحدود/حدیث: 30209]