اور حسن بصری نے فرمایا: مگر وہ یوں کہہ دے، بیشک تو قوم لوط کے عمل کی طرح عمل کرنے والا ہے۔ [مصنف ابن ابي شيبه/كتاب الحدود/حدیث: 30240]

حضرت ابو العلائ فرماتے ہیں کہ حضرت قتادہ نے ارشاد فرمایا: اس پر کوئی سزا نہیں ہوگی اور حضرت ابو ہاشم نے فرمایا: جب وہ یوں کہے: بیشک تو نے فلاں سے اس کی سرین میں وطی کی ہے تو اس کو حد قذف کے کوڑے لگیں گے۔ [مصنف ابن ابي شيبه/كتاب الحدود/حدیث: 30241]

اور حضرت ابو ہاشم نے فرمایا: جب وہ یوں کہے: بیشک تو فلاں سے اس کی سرین میں وطی کرتا ہے، تو انہوں نے فرمایا: اسے حد کے کوڑے لگاؤ۔ [مصنف ابن ابي شيبه/كتاب الحدود/حدیث: 30242]

حضرت قتادہ فرماتے ہیں کہ ایک آدمی نے حضرت ابو الاسود کو یوں کہا: اے لوطی! تو آپ نے فرمایا: اللہ حضرت لوط پر رحم فرمائے۔ اور آپ نے اس کے بارے میں کسی چیز کو لازم نہیں سمجھا۔ [مصنف ابن ابي شيبه/كتاب الحدود/حدیث: 30243]

حضرت منصور فرماتے ہیں کہ ابراہیم نے ارشاد فرمایا: کوڑے لگائے جائیں اس شخص کو جس نے یہ کا م کیا اور جو کسی پر یہ الزام لگائے۔ [مصنف ابن ابي شيبه/كتاب الحدود/حدیث: 30244]

حضرت حماد فرماتے ہیں کہ حضرت ابراہیم نے ارشاد فرمایا: جو شخص کسی انسان پر یہ تہمت لگائے تو اسے کوڑے مارے جائیں گے اور اس میں گواہوں کو ایسے ہی تلاش کیا جائے گا جیسا کہ زنا کے گواہوں میں کیا جاتا ہے۔ [مصنف ابن ابي شيبه/كتاب الحدود/حدیث: 30245]

حضرت معمر فرماتے ہیں کہ حضرت زہری نے ارشاد فرمایا: جب آدمی ایک شخص پر قوم لوط کے عمل کی یا جانور کے ساتھ بدفعلی کی تہمت لگائے تو اسے کو ڑے مارے جائیں گے۔ [مصنف ابن ابي شيبه/كتاب الحدود/حدیث: 30246]

حضرت عبدالخالق فرماتے ہیں کہ حضرت حماد نے ارشاد فرمایا: اس پر حد قذف جاری ہوگی۔ [مصنف ابن ابي شيبه/كتاب الحدود/حدیث: 30247]

حضرت عبدالحمید بن جبیر فرماتے ہیں کہ ایک آدمی نے کسی آدمی کو کہا: اے لوطی، یہ معاملہ حضرت عمر بن عبدالعزیز کی خدمت میں پیش کیا گیا تو آپ نے یوں کہنا شروع کردیا: اے لوطی! اے محمدی! راوی کہتے ہیں: پھر آپ نے اسے دس سے اوپر کوڑے مارے پھر اگلے دن اسے نکالا اور اس کی سزا کو مکمل کیا۔ [مصنف ابن ابي شيبه/كتاب الحدود/حدیث: 30248]

حضرت ابو ہلال فرماتے ہیں کہ حضرت حسن بصری نے ارشاد فرمایا: اس پر حد قذف جاری نہیں ہوگی اور حضرت عکرمہ نے ارشاد فرمایا: اس پر حد قذف جاری ہوگی۔ [مصنف ابن ابي شيبه/كتاب الحدود/حدیث: 30249]