حضرت سفیان شیبانی سے نقل کرتے ہیں کہ حضرت حکم نے اغلام باز کے بارے میں ارشاد فرمایا: اس کو حد سے کم کوڑے مارے جائیں گے۔ [مصنف ابن ابي شيبه/كتاب الحدود/حدیث: 30230]

حضرت قتادہ فرماتے ہیں کہ حضرت عبید اللہ بن عبداللہ بن معمر نے ارشاد فرمایا: اس پر سنگسار کرنے کی سزا لازم ہوگی قوم لوط کے قتل کی نوعیت کی طرح۔ [مصنف ابن ابي شيبه/كتاب الحدود/حدیث: 30231]

حضرت قتادہ فرماتے ہیں کہ حضرت جابر بن زید نے ارشاد فرمایا: دبر کا حرام ہونا فلاں کے حرام ہونے سے زیادہ بڑا ہے حضرت قتادہ نے فرمایا: ہم اس کو سنگسار پر محمول کرتے تھے۔ [مصنف ابن ابي شيبه/كتاب الحدود/حدیث: 30232]

حضرت قتادہ نے فرمایا: ہم اس کو سنگسار پر محمول کرتے ہیں۔ [مصنف ابن ابي شيبه/كتاب الحدود/حدیث: 30233]

حضرت ابو حصین فرماتے ہیں کہ حضرت عثمان نے یوم الدار (محاصرے کے دن) گھر سے لوگوں کی طرف جھانکا اور ارشاد فرمایا: کیا تم لوگ نہیں جانتے کہ کسی مسلمان شخص کا خون حلال نہیں ہے مگر چار آدمیوں کا ایک وہ شخص جس نے قوم لوط کا عمل کیا۔ [مصنف ابن ابي شيبه/كتاب الحدود/حدیث: 30234]

حضرت سعید بن یزید فرماتے ہیں کہ حضرت سنان بن سلمہ نے ان سے ارشاد فرمایا: کیا ہی اچھا آدمی ہے اگر وہ لوطی ہو۔ [مصنف ابن ابي شيبه/كتاب الحدود/حدیث: 30235]

حضرت لیث فرماتے ہیں کہ حضرت طاؤس فرمایا کرتے تھے: اس پر حد نہیں ہوگی مگر وہ یوں کہے: بیشک تو قوم لوط کے عمل جیسا عمل کرتا ہے۔ [مصنف ابن ابي شيبه/كتاب الحدود/حدیث: 30236]

حضرت ضحاک سے بھی حضرت طاؤس جیسا قول اس سند سے منقول ہے۔ [مصنف ابن ابي شيبه/كتاب الحدود/حدیث: 30237]

حضرت ابو خالد الواسطی فرماتے ہیں کہ حضرت شعبی نے ارشاد فرمایا: میں نہیں جانتا کہ اس پر حد لازم ہوگی۔ [مصنف ابن ابي شيبه/كتاب الحدود/حدیث: 30238]

حضرت فرقد سبخی فرماتے ہیں کہ ایک آدمی نے کسی آدمی سے کہا: اے لوطی! تو اس شخص نے حضرت حسن بصری اور حضرت محمد سے پوچھا؟ ان دونوں حضرات نے فرمایا: اس پر حد جاری نہیں ہوگی اور حضرت حسن بصری نے فرمایا: مگر وہ یوں کہہ دے، بیشک تو قوم لوط کے عمل کی طرح عمل کرنے والا ہے۔ [مصنف ابن ابي شيبه/كتاب الحدود/حدیث: 30239]