حضرت منصور فرماتے ہیں کہ حضرت حسن بصری نے ارشاد فرمایا: اس شخص پر حد نہیں ہوگی یہاں تک کہ یوں کہے: اے زانی، اے زانیہ یا اے زانیہ عورت کے بیٹے۔ [مصنف ابن ابي شيبه/كتاب الحدود/حدیث: 30260]

حضرت شعبہ فرماتے ہیں کہ حضرت حماد سے ایسے شخص کے بارے میں مروی ہے جس نے ایک شخص کو کہا: بیشک تیری پیٹھ میں حد زنا لگے گی۔ آپ نے فرمایا: اگر وہ چاہے تو یوں کہہ دے کہ بیشک میں نے تو ایسے کہا تھا: بیشک تیری پیٹھ حد لگنے کی جگہ ہے آپ نے فرمایا: اس پر حد جاری نہیں ہوگی۔ [مصنف ابن ابي شيبه/كتاب الحدود/حدیث: 30261]

حضرت عوف فرماتے ہیں کہ حضرت حسن بصری نے ارشاد فرمایا: حد قذف واضح تہمت کی صورت میں ہی لگے گی۔ [مصنف ابن ابي شيبه/كتاب الحدود/حدیث: 30262]

حضرت ابراہیم بن عامر فرماتے ہیں کہ حضرت سعید بن مسیب سے مروی ہے کہ ایک آدمی نے کسی آدمی کو یوں کہہ دیا: اے ابن کراثہ تو آپ نے فرمایا: اس پر حد قذف لگائی جائے گی۔ [مصنف ابن ابي شيبه/كتاب الحدود/حدیث: 30263]

حضرت ابو الرجال فرماتے ہیں کہ ان کی والدہ حضرت عمرہ نے ارشاد فرمایا: دو آدمیوں نے ایک دوسرے کو گالیاں دیں، پس ان میں سے ایک کہنے لگا: میری ماں زانیہ عورت نہیں ہے اور میرا باپ بھی زانی نہیں، تو حضرت عمر نے اس بارے میں لوگوں سے مشورہ لیا، لوگوں نے کہا، اس نے تو اپنے باپ اور ماں کی تعریف کی ہے آپ نے فرمایا: ان دونوں کے لیے اس کے علاوہ بھی تعریف ہوسکتی تھی، پس آپ نے اس کو مارا۔ [مصنف ابن ابي شيبه/كتاب الحدود/حدیث: 30264]

حضرت معاویہ بن قرہ فرماتے ہیں کہ ایک آدمی نے کسی سے کہا: اے ابن شامۃ الوذر یعنی زنا کرنے والے کے بیٹے تو اس شخص نے حضرت عثمان بن عفان سے اس شخص کے خلاف مدد طلب کی تو وہ کہنے لگا: بیشک میں نے اس سے ایسے اور ایسے معنی مراد لیے ہیں۔ پس حضرت عثمان کے حکم سے اس پر حد لگائی گئی۔ [مصنف ابن ابي شيبه/كتاب الحدود/حدیث: 30265]

حضرت مغیرہ فرماتے ہیں کہ حضرت ابراہیم نے ارشاد فرمایا: مبہم بات میں بھی سزا ہے۔ [مصنف ابن ابي شيبه/كتاب الحدود/حدیث: 30266]

حضرت ہشام فرماتے ہیں کہ ان کے والد حضرت عروہ نے ارشاد فرمایا: اس میں بھی حد لازم ہوگی۔ [مصنف ابن ابي شيبه/كتاب الحدود/حدیث: 30267]

حضرت ابن سیرین فرماتے ہیں کہ حضرت سمرہ نے ارشاد فرمایا: جس شخص نے ہم سے مبہم بات کی تو ہم بھی اس سے مبہم بات کریں گے۔ [مصنف ابن ابي شيبه/كتاب الحدود/حدیث: 30268]

حضرت ابو رجائ فرماتے ہیں کہ حضرت عمر اور حضرت عثمان عیب گیری کی صورت میں سزادیا کرتے تھے۔ [مصنف ابن ابي شيبه/كتاب الحدود/حدیث: 30269]