عامر حضرت شریح سے بھی یہی ارشاد نقل کرتے ہیں۔ [مصنف ابن ابي شيبه/كتاب الوصايا/حدیث: 33008]

یحییٰ بن سعید فرماتے ہیں کہ میری اہلیہ نے حمل کے زمانے میں کوئی عطیہ دیا اور اس بات کو قاسم بن محمد سے ذکر کیا تو انہوں نے فرمایا کہ یہ عطیہ پورے مال سے لیا جائے گا۔ [مصنف ابن ابي شيبه/كتاب الوصايا/حدیث: 33009]

حماد نقل کرتے ہیں کہ یحییٰ نے فرمایا کہ ہم کہتے ہیں کہ یہ عطیہ پورے مال میں سے ہوگا جب تک اس کو دردِ زہ شروع نہ ہو۔ [مصنف ابن ابي شيبه/كتاب الوصايا/حدیث: 33010]

جابر حضرت عامر سے نقل کرتے ہیں کہ حاملہ کا مال میں تصرف کرنا وصیت کے حکم میں ہے۔ [مصنف ابن ابي شيبه/كتاب الوصايا/حدیث: 33011]

حمید فرماتے ہیں کہ ایاس بن معاویہ کو ایک تہمت کی بناء پر گرفتار کرلیا گیا، انہوں نے مجھ سے فرمایا کہ حسن کے پاس جا کر پوچھو کہ اس حالت میں میرے لئے اپنے مال میں تصرف کرنے کا کیا حکم ہے؟ کہتے ہیں کہ میں حسن کے پاس گیا اور میں نے جا کر ان سے عرض کیا کہ آپ کے بھائی ایاس آپ کو سلام کہتے ہیں اور پوچھتے ہیں کہ میرے لئے اپنے مال میں اس حال میں تصرف کرنا کیسا ہے؟ حسن نے فرمایا ان کا حکم مریض کے حکم کی طرح ہے، اس لئے ان کے لئے ایک تہائی سے زیادہ مال میں تصرف جائز نہیں۔ [مصنف ابن ابي شيبه/كتاب الوصايا/حدیث: 33012]

سماک روایت کرتے ہیں کہ حضرت شعبی نے فرمایا کہ جب کوئی آدمی اپنے پاؤں رکا ب میں ڈال دے تو اس وقت وہ جو وصیت کرے ایک تہائی مال سے پوری کی جائے گی۔ [مصنف ابن ابي شيبه/كتاب الوصايا/حدیث: 33013]

شعبی سے روایت ہے کہ حضرت شریح نے ارشاد فرمایا جب کوئی آدمی اپنے پاؤں رکاب میں ڈالے تو اس وقت وہ اپنے مال کے بارے میں جو بات کہے ایک تہائی مال میں سے پوری کی جائے گی۔ [مصنف ابن ابي شيبه/كتاب الوصايا/حدیث: 33014]

شعبی روایت کرتے ہیں کہ حضرت مسروق نے فرمایا:ـ کہ جب کوئی آدمی اپنے پاؤں رکا ب میں ڈال دے، یعنی جب سفر کرے، تو اس وقت وہ جو وصیت کرے ایک تہائی مال سے پوری کی جائے گی۔ [مصنف ابن ابي شيبه/كتاب الوصايا/حدیث: 33015]

ہشام سے روایت ہے کہ حسن نے فرمایا کہ وہ آدمی جس کو دشمن نے قید کر رکھا ہو اگر کسی کو کوئی عطیہ دے یا کوئی ہبہ کرے یا ایک تہائی مال کی وصیت کرے تو یہ اس کے لئے جائز ہے۔ [مصنف ابن ابي شيبه/كتاب الوصايا/حدیث: 33016]

ابن ابی ذئب راوی ہیں کہ زہری نے فرمایا کہ قیدی کے لئے اپنے مال کے ایک تہائی سے زیادہ میں تصرف کرنا جائز نہیں۔ [مصنف ابن ابي شيبه/كتاب الوصايا/حدیث: 33017]