حضرت مجاہد رحمہ اللہ سے بھی یہی مروی ہے۔ [مصنف ابن ابي شيبه/كتاب السير/حدیث: 35451]

حضرت ابن عون فرماتے ہیں کہ میں نے حضرت نافع کو لکھ کر ان سے دریافت کیا کہ: کوئی شخص سریہ میں ہو اور امیر کی اجازت کے بغیر حملہ کر دے؟ آپ نے جواب تحریر فرمایا: اس کو امیر کی اجازت تبدیل نہیں کرتی۔ [مصنف ابن ابي شيبه/كتاب السير/حدیث: 35452]

حضرت ہشام بن حسان رحمہ اللہ فرماتے ہیں کہ جب دو لشکر آمنے سامنے (پیش قدمی کریں) ہوجائیں تو کسی شخص کو اس بات کی اجازات نہیں ہے کہ وہ امیر کے اذن کے بغیر حملہ کر دے۔ [مصنف ابن ابي شيبه/كتاب السير/حدیث: 35453]

حضرت حسن رحمہ اللہ فرماتے ہیں کہ سریہ میں امیر کی اجازت کے بغیر نہ نکلا جائے، اور امیر ان کو جو بھی زائد حصہ دے وہ انہی کا ہے۔ [مصنف ابن ابي شيبه/كتاب السير/حدیث: 35454]

ابراہیم رحمہ اللہ فرماتے ہیں کہ سریہ اگر جہاد کیلئے نکلے اور اس کے ہاتھ جو بھی (غنیمت) آئے، امام اگر چاہے تو ان کو زائد حصہ دے دے اور اگر چاہے تو پانچواں حصہ نکال لے۔ [مصنف ابن ابي شيبه/كتاب السير/حدیث: 35455]

حضرت حسن رحمہ اللہ فرماتے ہیں کہ سریہ اگر امام کی اجازت سے جہاد کیلئے نکلے اور ان کے ہاتھ غنیمت آئے تو امام اس میں سے پانچواں حصہ وصول کرے اور باقی سب ان کے لیے ہوگا۔ [مصنف ابن ابي شيبه/كتاب السير/حدیث: 35456]

حضرت یحییٰ بن سعید رحمہ اللہ فرماتے ہیں کہ میں نے حضرت سعید بن المسیب رحمہ اللہ سے دریافت کیا کہ: میں نے درب کے علاقے میں جہاد کیا۔ جب ہم وہاں سے واپسی کے لیے روانہ ہوگئے تو ہمارے روانہ ہونے کے بعد کچھ سرایا بھیجے گئے۔ ان سے کہا گیا کہ تمہیں خمس کے علاوہ مال غنیمت ملے گا۔ اس بارے میں آپ کیا فرماتے ہیں۔ حضرت سعید بن مسیب نے فرمایا کہ لوگ خمس سے ہی نفل دیا کرتے تھے۔ [مصنف ابن ابي شيبه/كتاب السير/حدیث: 35457]

حضرت حسن رحمہ اللہ سے مروی ہے کہ نبی کریم صلی اللہ علیہ وسلم نے ارشاد فرمایا: جو لشکر بھی امیر کی اجازت کے بغیر حملہ کرے تو وہ خیانت اور دھوکا دینے والے ہیں۔ [مصنف ابن ابي شيبه/كتاب السير/حدیث: 35458]

حضرت منصور رحمہ اللہ فرماتے ہیں کہ میں نے ابراہیم رحمہ اللہ سے دریافت کیا کہ امام سریہ روانہ کرے اور اس کو غنیمت حاصل ہو؟ فرمایا اگر امام چاہے تو پھر سارا مال زائد حصے کے طور پر ان کو دے دے اور اگر چاہے خمس نکالے۔ [مصنف ابن ابي شيبه/كتاب السير/حدیث: 35459]

حضرت حسن رحمہ اللہ فرماتے ہیں کہ اگر لشکر امام کی اجازت کے ساتھ کوچ کرے تو ان کے غنیمت میں سے خمس نکالا جائے گا اور باقی ان کو ملے گا، اور اگر امام کی اجازت کے بغیر کوچ کریں تو وہ جیش کے مثل ہیں۔ [مصنف ابن ابي شيبه/كتاب السير/حدیث: 35460]