حضرت عمر رضی اللہ عنہ نے ارشاد فرمایا: کفار کے ہاتھوں سے ایک مسلمان قیدی کو چھڑاؤ یہ مجھے پورے عرب کے جزیہ یا جزیرۃ العرب سے زیادہ پسندیدہ ہے۔ [مصنف ابن ابي شيبه/كتاب السير/حدیث: 35471]

حضرت حکم رحمہ اللہ اور حضرت مجاہد رحمہ اللہ سے مروی ہے کہ حضرت ابوبکر رضی اللہ عنہ نے ارشاد فرمایا اگر مشرکین میں سے تم کسی کو گرفتار کرو، اور تمہیں دو مد دینار دیئے جائیں تو فدیہ کو مت وصول کرو۔ [مصنف ابن ابي شيبه/كتاب السير/حدیث: 35472]

حضرت خالد بن زید رضی اللہ عنہ سے مروی ہے جن کی آنکھ سوس کے علاقہ میں جہاد میں شھید ہوچکی تھی، فرماتے ہیں کہ ہم نے وہاں کے شہر کا محاصرہ کیا، ہمیں بڑی مشقت پیش آئی، اس وقت ہمارے امیر حضرت ابو موسیٰ رضی اللہ عنہ تھے، ایک دھقان نے اپنی اور اپنے ساتھیوں کی امان لی۔ حضرت ابو موسیٰ نے ارشاد فرمایا، ان کو علیحدہ کرو، دھقان نے ان کو علیحدہ کرنا، شروع کردیا، حضرت ابو موسیٰ رضی اللہ عنہ نے اپنے ساتھیوں سے کہا: مجھے امید ہے کہ اللہ تعالیٰ اس کو اس کی اپنی جان کے بارے میں دھوکے میں ڈال دے گا۔ پھر جب اس نے ان کو علیحدہ کر لیا تو اللہ کا دشمن خود باقی رہ گیا۔ حضرت ابو موسیٰ رضی اللہ عنہ نے اس کے بارے میں حکم دیا تو اس نے بہت سا مال فدیہ میں پیش کیا، لیکن آپ نے انکار کردیا اور اس کی گردن مار دی۔ [مصنف ابن ابي شيبه/كتاب السير/حدیث: 35473]

حضرت ابن عباس رضی اللہ عنہما سے مروی ہے کہ: خندق والے دن ایک کافر مارا گیا، مسلمان اس کی لاش پر غالب آگئے، مشرکین نے مسلمانوں سے کہا کہ اس کی لاش ہمارے حوالے کردو، ہم اس کے بدلہ دس ہزار دراہم دیں گے، نبی کریم صلی اللہ علیہ وسلم سے اس کا ذکر کیا گیا تو آپ صلی اللہ علیہ وسلم نے ارشاد فرمایا: ہمیں اس کی لاش (مردار لاش) اور دیت کی کوئی ضرورت نہیں ہے، یہ خبیث دیت اور خبیث لاش ہے۔ [مصنف ابن ابي شيبه/كتاب السير/حدیث: 35474]

حضرت حکم رحمہ اللہ سے مروی ہے کہ مشرکین کا ایک شخص غزوہ خندق میں مارا گیا، آنحضرت صلی اللہ علیہ وسلم کو اس کی لاش کے بدلے مال دینے کو کہا گیا یہاں تک کہ وہ دیت کی رقم تک پہنچ گئے لیکن آپ صلی اللہ علیہ وسلم نے لینے سے انکار کردیا۔ [مصنف ابن ابي شيبه/كتاب السير/حدیث: 35475]

حضرت ابن عباس رضی اللہ عنہما سے بھی یہی مردی ہے۔ [مصنف ابن ابي شيبه/كتاب السير/حدیث: 35476]

حضرت مجاہد رحمہ اللہ سے مروی ہے کہ { وَاقْتُلُوہُمْ حَیْثُ وَجَدْتُمُوہُمْ } نے اس حکم کو منسوخ کر دیا جو اس سے پہلے فدیہ اور احسان کر کے چھوڑنے کا تھا۔ [مصنف ابن ابي شيبه/كتاب السير/حدیث: 35477]

حضرت مجاہد فرماتے ہیں قرآن کی آیت { فَإِمَّا مَنًّا بَعْدُ وَإِمَّا فِدَائً } کے متعلق فرماتے ہیں کہ اب کوئی احسان اور فدیہ نہیں ہے۔ [مصنف ابن ابي شيبه/كتاب السير/حدیث: 35478]

حضرت مجاہد رحمہ اللہ سے مروی ہے کہ آنحضرت صلی اللہ علیہ وسلم نے غزوئہ بدر کے قیدیوں کے بارے میں مشورہ طلب کیا، حضرت ابوبکر صدیق رضی اللہ عنہ نے ارشاد فرمایا: اے اللہ کے رسول صلی اللہ علیہ وسلم یہ آپ کی قوم، آپ کے رشتہ دار اور آپ کے چچا زاد ہیں، ان سے فدیہ لے کر آزاد کردیں، حضرت عمر رضی اللہ عنہ نے ارشاد فرمایا، ان سب کو قتل کردیں، پھر اس کے بارے میں قرآن کریم کی آیت { مَا کَانَ لِنَبِیٍّ أَنْ یَکُونَ لَہُ أَسْرَی حَتَّی یُثْخِنَ فِی الأَرْضِ } نازل ہوئی۔ [مصنف ابن ابي شيبه/كتاب السير/حدیث: 35479]

حضرت مجاہد رحمہ اللہ فرماتے ہیں کہ اثخان سے مراد قتل ہے۔ [مصنف ابن ابي شيبه/كتاب السير/حدیث: 35480]