الحمدللہ ! قرآن پاک روٹ ورڈ سرچ اور مترادف الفاظ کی سہولت پیش کر دی گئی ہے۔
فضائل قرآن، دعا ئیں، اذکار، دم
क़ुरआन की फ़ज़ीलत, दुआएं, अल्लाह की याद और दम करना
1981. سریلی آواز میں تلاوت کرنے کی وجہ سے اشعری لوگوں کی تعریف
“ मधुर आवाज़ में क़ुरआन पढ़ने के कारण अशअरी लोगों की सराहना ”
حدیث نمبر: 2917 |
|
سیدنا ابوموسیٰ رضی اللہ عنہ کہتے ہیں کہ رسول اللہ صلی اللہ علیہ وسلم نے فرمایا: ”جب اشعر قبیلہ کے لوگ رات کو قیام اللیل میں قرآن مجید کی تلاوت کرتے ہیں تو میں ان کی آوازیں پہچان لیتا ہوں، میں نے ان لوگوں کو دن کے وقت گھروں سے نکلتے تو نہیں دیکھا، البتہ رات کو سنی جانے والی آوازوں کی وجہ سے ان کے گھروں کو پہچانتا (ضرور) ہوں۔ ان میں سے ایک حکیم ہے، جس کا جب (دشمنوں کے) لشکر سے سامنا ہوتا ہے تو انہیں کہتا ہے: میرے ساتھی تمہیں حکم دے رہے ہیں کہ تم ان کا انتظار کرو۔“
1982. قرآن مجید صرف زبانوں کا ”چسکا“ نہیں
“ क़ुरआन जल्दी जल्दी पानी पीने की तरह नहीं पढ़ना चाहिए ”
حدیث نمبر: 2918 |
|
سیدنا عقبہ رضی اللہ عنہ سے روایت ہے، رسول اللہ صلی اللہ علیہ وسلم نے فرمایا: ”عنقریب میری امت میں ایسے لوگ بھی نکلیں گے جو پانی کی طرح قرآن مجید کے گھونٹ بھریں گے۔“
1983. قرآن مجید کو سمجھ کر پڑھا جائے
“ क़ुरआन को समझ कर पढ़ना चाहिए ”
حدیث نمبر: 2919 |
|
سیدنا عبداللہ بن عباس رضی اللہ عنہما بیان کرتے ہیں کہ سیدنا ابوبکر صدیق رضی اللہ عنہ نے کہا: اے اللہ کے رسول! آپ ( جلدی) بوڑھے ہو گئے ہیں ( کیا وجہ ہے)؟ آپ صلی اللہ علیہ وسلم نے فرمایا: ”سورہ ہود، سورہ واقعہ، سورہ مرسلات، سورہ نبا «عم يتساءلون» اور سورہ التکویر «اذا الشمس كورت» نے مجھے بوڑھا کر دیا ہے۔“
1984. سورہ تکویر، انشقاق اور انفطار میں قیامت کا منظر
“ सूरत अत-तकवीर सूरत अल-इंशिक़ाक़ और सूरत अल-इन्फ़ितार में क़यामत ”
حدیث نمبر: 2920 |
|
سیدنا عبداللہ بن عمر رضی اللہ عنہما سے روایت ہے، رسول اللہ صلی اللہ علیہ وسلم نے فرمایا: ”جو آدمی روز قیامت کو حقیقی صورت میں دیکھنا چاہتا ہے وہ «اذا الشمس كورت» یعنی سورہ تکویر، «اذا السماء انشقت» يعنی سورہ انشقاق اور «اذا السماء انفطرت» یعنی سورہ انفطار کی تلاوت کر لے۔“
1985. ٹھہر ٹھہر کر تلاوت کرنا
“ ठहर ठहर कर क़ुरआन पढ़ना ”
حدیث نمبر: 2921 |
|
موسیٰ بن یزید کندی کہتے ہیں: سیدنا عبداللہ بن مسعود رضی اللہ عنہ ایک آدمی کو قرآن مجید پڑھاتے تھے، ( ایک دن) اس نے «انما الصدقات للفقراء والمساكين» کو خوش اسلوبی سے تیز تیز پڑھا۔ سیدنا ابن مسعود رضی اللہ عنہ نے کہا: رسول اللہ صلی اللہ علیہ وسلم نے مجھے اس طرح نہیں پڑھایا، جس طرح تم پڑھ رہے ہو۔ اس نے کہا: اے ابوعبدالرحمٰن! آپ صلی اللہ علیہ وسلم نے تجھے کیسے پڑھایا؟ انہوں نے کہا: آپ صلی اللہ علیہ وسلم نے مجھے «انما الصدقات للفقرا والمساكين» کھینچ کھینچ کر اور لمبا لمبا کر کے پڑھایا۔
1986. جنوں کا سورہ رحمٰن کی آیات کا جواب دینا
“ जिन्नों का सूरत अर-रहमान की आयतों का जवाब देना ”
حدیث نمبر: 2922 |
|
سیدنا جابر رضی اللہ عنہ بیان کرتے ہیں کہ رسول اللہ صلی اللہ علیہ وسلم اپنے صحابہ کے پاس تشریف لائے اور ان کے سامنے مکمل سورہ الرحمن کی تلاوت کی، وہ خاموشی (سے سنتے رہے)۔ آپ صلی اللہ علیہ وسلم نے فرمایا: ”میں نے یہی سورت جنوں والی رات کو ان پر تلاوت کی تھی، وہ تمہاری بہ نسبت اچھا جواب دینے والے تھے، وہ اس طرح کہ جب میں «فَبِأَيِّ آلاء رَبِّكُمَا تُكَذِّبَانِ» ”تم اپنے پروردگار کی کون کون سی نعمت کو جھٹلاؤ گے“ والی آیت پڑھتا تو وہ کہتے: اے ہمارے رب! ہم تیری کسی بھی نعمت کو نہیں جھٹلا سکتے اور تیرے لیے ہی تعریف ہے۔“
1987. سجدہ تلاوت کی دعا
“ सज्दा तिलावत ( क़ुरआन में सज्दे की आयत ) की दुआ ”
حدیث نمبر: 2923 |
|
سیدنا ابوسعید خدری رضی اللہ عنہ کہتے ہیں۔ میں نے خواب دیکھا کہ میں ایک درخت کے نیچے ہوں اور درخت سورہ ص کی تلاوت کر رہا ہے، جب اس نے سجدہ والی آیت پڑھی تو اس نے سجدہ تلاوت کیا اور اس میں یہ دعا پڑھی، ”اے اللہ! میرے لیے اس سجدے کی وجہ سے اجر لکھ، اس کے ذریعے مجھ سے گناہ دور کر دے، اس کے ذریعے مجھے شکر کرنے کی از سر نو توفیق دے اور یہ سجدہ مجھ سے اس طرح قبول کر، جس طرح کہ تو نے اپنے بندے داؤد علیہ السلام سے قبول کیا تھا۔“ جب صبح ہوئی تو میں نبی کریم صلی اللہ علیہ وسلم کے پاس آیا اور ساری بات بتائی۔ آپ صلی اللہ علیہ وسلم نے فرمایا۔ ”اے ابوسعید! کیا تو نے بھی سجدہ کیا تھا؟“ میں نے کہا: نہیں۔ آپ صلی اللہ علیہ وسلم نے فرمایا ”تو تو درخت کی بہ نسبت سجدہ کرنے کا زیادہ حقدار تھا۔“ پھر رسول اللہ صلی اللہ علیہ وسلم نے سورہ ص کی تلاوت کی، یہاں تک کہ سجدہ والی آیت تک پہنچے، ( پھر سجدہ کیا اور) اس میں وہی دعا پڑھی جو درخت نے پڑھی تھی۔
1988. دوات اور قلم نے بھی آپ صلی اللہ علیہ وسلم کے ساتھ سجدہ تلاوت کیا
“ दवात और क़लम ने भी आप ﷺ के साथ सज्दा किया ”
حدیث نمبر: 2924 |
|
سیدنا ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم کے پاس سورۃ النجم لکھی گئی، جب سجدہ والی آیت تک پہنچے تو آپ صلی اللہ علیہ وسلم نے اور ہم نے سجدہ کیا اور دوات اور قلم نے بھی سجدہ کیا۔
1989. قرآن مجید کے ایک حرف پر دس نیکیاں
“ क़ुरआन के एक अक्षर पर दस नेकियां ”
حدیث نمبر: 2925 |
|
سیدنا عبداللہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”قرآن مجید پڑھا کرو بلاشبہ تمہیں اجر و ثواب ملے گا۔ آگاہ رہو! میں یہ نہیں کہتا کہ «الم» ایک حرف ہے، بلکہ «الف» کی دس نیکیاں علیحدہ ہیں، «لام» کی علیحدہ اور «ميم» کی علیحدہ، اس طرح «الم» کی کل تیس نیکیاں ہوئیں۔“
حدیث نمبر: 2926 |
|
سیدنا عبداللّٰہ بن مسعود رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”جس نے قرآن مجید کا ایک حرف پڑھا، اسے ایک نیکی ملے گی اور ایک نیکی دس نیکیوں کے برابر ہوتی ہے، میں یہ نہیں کہتا کہ «الم» ایک حرف ہے، بلکہ «الف» ایک حرف ہے «لام» ایک حرف ہے اور «ميم» ایک حرف ہے۔“