سن لو !بے شک وہ یقینا اپنے جھوٹ ہی سے کہتے ہیں

کہ اللہ نے اولاد جنی اور بے شک وہ یقینا جھوٹے ہیں۔

کیا اس نے بیٹیوں کو بیٹوں پر ترجیح دی؟

کیا ہے تمھیں، تم کیسا فیصلہ کر رہے ہو؟

تو کیا تم نصیحت حاصل نہیں کرتے؟

یا تمھارے پاس کوئی واضح دلیل ہے؟

تو لاؤ اپنی کتاب، اگر تم سچے ہو۔

اور انھوں نے اس کے درمیان اور جنوں کے درمیان رشتہ داری بنادی، حالانکہ بلا شبہ یقینا جن جان چکے ہیں کہ بے شک وہ ضرور حاضر کیے جانے والے ہیں۔

اللہ ان باتوں سے پاک ہے جو وہ بیان کرتے ہیں۔

مگر اللہ کے وہ بندے جو چنے ہوئے ہیں۔

پس بلاشبہ تم اور جن کی تم عبادت کرتے ہو۔

تم اس کے خلاف بہکانے والے نہیں۔

مگر اس کو جو بھڑکتی آگ میں داخل ہونے والا ہے۔

اور ہم میں سے جو بھی ہے اس کی ایک مقرر جگہ ہے۔

اور بلاشبہ ہم، یقینا ہم صف باندھنے والے ہیں۔

اور بلاشبہ ہم، یقینا ہم تسبیح کرنے والے ہیں۔

اور بے شک وہ (کافر) تو کہا کرتے تھے۔

اگر ہمارے پاس پہلے لوگوں کی کوئی نصیحت ہوتی۔

تو ہم ضرور اللہ کے چنے ہوئے بندے ہوتے۔

تو انھوں نے اس کا انکار کر دیا، سو جلد ہی جان لیں گے۔

اور بلاشبہ یقینا ہمارے بھیجے ہوئے بندوں کے لیے ہماری بات پہلے طے ہو چکی۔

کہ بے شک وہ، یقینا وہی ہیں جن کی مدد کی جائے گی۔

اور بے شک ہمارا لشکر، یقینا وہی غالب آنے والا ہے ۔

سو ایک وقت تک ان سے منہ موڑ لے۔

اور انھیں دیکھ، پس وہ بھی عنقریب دیکھ لیں گے۔

تو کیا وہ ہمارا عذاب جلدی مانگتے ہیں؟

پھر جب وہ ان کے صحن میں اترے گا تو ڈرائے گئے لوگوں کی صبح بری ہوگی۔

اور ایک وقت تک ان سے منہ موڑ لے۔

اور دیکھ، پس وہ بھی جلدی دیکھ لیں گے۔

پاک ہے تیرا رب، عزت کا رب، ان باتوں سے جو وہ بیان کرتے ہیں۔

اور سلام ان پر جو بھیجے گئے۔

اور سب تعریف اللہ کے لیے ہے جو تمام جہانوں کا رب ہے۔