(نبی کریم صلی اللہ علیہ وسلم نے فرمایا:)
”قرآن مجید پڑھا کرو اور اس کے وسیلے سے اللہ تعالیٰ سے مانگا کرو، اس سے پہلے کہ ایسی قوم آ جائے جو قرآن پڑھے گی تو اس کے ذریعے لوگوں سے (دنیاوی مال) مانگا کرے گی۔“ [صحيح الجامع الصغير وزيادته/[حرف الألف] -- إق/حدیث: 1169]

(نبی کریم صلی اللہ علیہ وسلم نے فرمایا:)
”اپنے گھروں میں سورۃ البقرہ پڑھا کرو، کیونکہ شیطان اس گھر میں داخل نہیں ہوتا جس میں سورۃ البقرہ پڑھی جاتی ہے۔“ [صحيح الجامع الصغير وزيادته/[حرف الألف] -- إق/حدیث: 1170]

(نبی کریم صلی اللہ علیہ وسلم نے فرمایا:)
”(قرآن مجید کو) اسی طرح پڑھو جس طرح تمہیں سکھایا گیا ہے، کیونکہ تم سے پہلے لوگوں کو ان کے اپنے نبیوں پر اختلاف کرنے ہی نے ہلاک کیا تھا۔“ [صحيح الجامع الصغير وزيادته/[حرف الألف] -- إق/حدیث: 1171]

(نبی کریم صلی اللہ علیہ وسلم نے فرمایا:)
”سورۃ البقرہ کے آخر میں موجود ان دو آیتوں کو پڑھا کرو، کیونکہ میرے رب نے مجھے یہ دونوں آیات عرش کے نیچے سے عطا فرمائی ہیں۔“ [صحيح الجامع الصغير وزيادته/[حرف الألف] -- إق/حدیث: 1172]

(نبی کریم صلی اللہ علیہ وسلم نے فرمایا:)
”رب تعالیٰ اپنے بندے کے سب سے زیادہ قریب رات کے آخری پہر میں ہوتا ہے، لہٰذا اگر تم سے ہو سکے کہ اس گھڑی میں اللہ کا ذکر کرنے والوں میں شامل ہو جاؤ تو ضرور ہو جاؤ۔“ [صحيح الجامع الصغير وزيادته/[حرف الألف] -- إق/حدیث: 1173]

(نبی کریم صلی اللہ علیہ وسلم نے فرمایا:)
”بندہ اللہ کے سب سے زیادہ قریب اس وقت ہوتا ہے جب وہ سجدے کی حالت میں ہوتا ہے۔“ [صحيح الجامع الصغير وزيادته/[حرف الألف] -- إق/حدیث: 1174]

(نبی کریم صلی اللہ علیہ وسلم نے فرمایا:)
”بندہ اپنے رب کے سب سے زیادہ قریب اس وقت ہوتا ہے جب وہ سجدے میں ہوتا ہے، لہٰذا (سجدے میں) کثرت سے دعا کیا کرو۔“ [صحيح الجامع الصغير وزيادته/[حرف الألف] -- إق/حدیث: 1175]

(نبی کریم صلی اللہ علیہ وسلم نے فرمایا:)
”قیامت کے دن تم میں سے میرے سب سے زیادہ قریب بیٹھنے والے وہ ہوں گے جن کے اخلاق تم میں سب سے اچھے ہوں گے۔“ [صحيح الجامع الصغير وزيادته/[حرف الألف] -- إق/حدیث: 1176]

(نبی کریم صلی اللہ علیہ وسلم نے فرمایا:)
”پرندوں کو ان کے گھونسلوں میں رہنے دو (یعنی انہیں اڑا کر ان سے بدشگونی مت لو)۔“ [صحيح الجامع الصغير وزيادته/[حرف الألف] -- إق/حدیث: 1177]

(نبی کریم صلی اللہ علیہ وسلم نے فرمایا:)
”(میت کا) مال اللہ کی کتاب کے مطابق حق داروں کے درمیان تقسیم کرو، پھر مقررہ حصوں کے بعد جو بچ جائے وہ سب سے قریبی مرد (عصبہ) کا حق ہے۔“ [صحيح الجامع الصغير وزيادته/[حرف الألف] -- إق/حدیث: 1178]