(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ نے مجھے مشقت میں ڈالنے والا اور سختی کرنے والا بنا کر نہیں بھیجا، بلکہ اس نے مجھے تعلیم دینے والا اور آسانیاں پیدا کرنے والا بنا کر مبعوث فرمایا ہے۔“ [صحيح الجامع الصغير وزيادته/[حرف الألف] -- إن الله/حدیث: 1806]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ نے کسی مسخ شدہ (جن کی صورتیں بگاڑ دی گئی ہوں) قوم کی کوئی نسل یا اولاد آگے نہیں چلائی، اور بندر اور خنزیر تو ان مسخ شدہ لوگوں سے پہلے بھی موجود تھے۔“ [صحيح الجامع الصغير وزيادته/[حرف الألف] -- إن الله/حدیث: 1807]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ نے کوئی ایسی بیماری نہیں اتاری جس کی شفا نازل نہ کی ہو، لہٰذا تم گائے کے دودھ کو اپنے اوپر لازم کر لو، کیونکہ وہ ہر قسم کے درختوں (اور پودوں) سے چرتی ہے۔“ [صحيح الجامع الصغير وزيادته/[حرف الألف] -- إن الله/حدیث: 1808]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ نے کوئی ایسی بیماری نہیں اتاری جس کی دوا نازل نہ کی ہو، اسے جاننے والے جان لیتے ہیں اور نہ جاننے والے اس سے ناواقف رہتے ہیں، سوائے «السَّام» کے، اور وہ موت ہے۔“ [صحيح الجامع الصغير وزيادته/[حرف الألف] -- إن الله/حدیث: 1809]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ نے کوئی ایسی بیماری نہیں اتاری جس کی شفا نازل نہ کی ہو، سوائے بڑھاپے کے۔ لہٰذا تم گائے کا دودھ استعمال کیا کرو، کیونکہ وہ ہر قسم کے درخت (اور جڑی بوٹیوں) سے چرتی ہے۔“ [صحيح الجامع الصغير وزيادته/[حرف الألف] -- إن الله/حدیث: 1810]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ میری امت کے حق میں مجھے اس بات سے عاجز نہیں کرے گا کہ وہ اسے آدھے دن کی مہلت دے، یعنی پانچ سو سال۔“ [صحيح الجامع الصغير وزيادته/[حرف الألف] -- إن الله/حدیث: 1811]

(نبی کریم صلی اللہ علیہ وسلم نے فرمایا:)
”بلاشبہ اگر اللہ تعالیٰ یہ چاہتا کہ اس کی نافرمانی نہ کی جائے تو وہ ابلیس کو پیدا ہی نہ کرتا۔“ [صحيح الجامع الصغير وزيادته/[حرف الألف] -- إن الله/حدیث: 1812]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ اس دین کی مدد کسی فاجر (گناہ گار) شخص کے ذریعے بھی کروا لیتا ہے۔“ [صحيح الجامع الصغير وزيادته/[حرف الألف] -- إن الله/حدیث: 1813]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ اپنے مومن بندے کو دنیا (کی رنگینیوں) سے محفوظ رکھتا ہے اور وہ اس سے محبت فرماتا ہے، بالکل اسی طرح جیسے تم اپنے بیمار کو (نقصان دہ) کھانے پینے سے بچاتے ہو کیونکہ تمہیں اس کی جان کا ڈر ہوتا ہے۔“ [صحيح الجامع الصغير وزيادته/[حرف الألف] -- إن الله/حدیث: 1814]

(نبی کریم صلی اللہ علیہ وسلم نے فرمایا:)
”بلاشبہ اللہ تعالیٰ تم میں سے کسی کے کھجور یا لقمے (کے صدقے) کو اس طرح پالتا ہے جس طرح تم میں سے کوئی اپنے گھوڑے یا اونٹنی کے بچے کو پالتا ہے، یہاں تک کہ وہ (صدقہ بڑھ کر) احد پہاڑ کے برابر ہو جاتا ہے۔“ [صحيح الجامع الصغير وزيادته/[حرف الألف] -- إن الله/حدیث: 1815]