(نبی کریم صلی اللہ علیہ وسلم نے فرمایا:)
”آدمی اپنے گندم کے ایک صاع میں سے صدقہ کرے اور اپنی کھجور کے ایک صاع میں سے صدقہ کرے۔“ [صحيح الجامع الصغير وزيادته/حرف اللام./حدیث: 5356]

(نبی کریم صلی اللہ علیہ وسلم نے فرمایا:)
”تم میں سے ہر ایک کو چاہیے کہ وہ اپنے چہرے کو جہنم سے بچائے، خواہ کھجور کے ایک ٹکڑے (صدقہ کرنے) ہی سے سہی۔“ [صحيح الجامع الصغير وزيادته/حرف اللام./حدیث: 5357]

(نبی کریم صلی اللہ علیہ وسلم نے فرمایا:)
”تم میں سے ہر ایک کو چاہیے کہ وہ اتنا ہی عمل اختیار کرے جتنی اس میں طاقت ہو، کیونکہ اللہ تعالیٰ نہیں تھکتا یہاں تک کہ تم خود تھک جاؤ، اور میانہ روی اختیار کرو اور درستی کے قریب رہنے کی کوشش کرو۔“ [صحيح الجامع الصغير وزيادته/حرف اللام./حدیث: 5358]

(نبی کریم صلی اللہ علیہ وسلم نے فرمایا:)
”کچھ لوگ ضرور یہ آرزو کریں گے کہ کاش وہ اور زیادہ گناہ کیے ہوتے، یہ وہ لوگ ہوں گے جن کی برائیوں کو اللہ عزوجل نے نیکیوں میں بدل دیا۔“ [صحيح الجامع الصغير وزيادته/حرف اللام./حدیث: 5359]

(نبی کریم صلی اللہ علیہ وسلم نے فرمایا:)
”جن لوگوں نے اس معاملے (حکومت) کی ذمہ داری سنبھالی ہوگی وہ ضرور یہ آرزو کریں گے کہ کاش وہ ثریا سے گر پڑے ہوتے اور انہوں نے کسی چیز کی ذمہ داری نہ سنبھالی ہوتی۔“ [صحيح الجامع الصغير وزيادته/حرف اللام./حدیث: 5360]

(نبی کریم صلی اللہ علیہ وسلم نے فرمایا:)
”یاجوج و ماجوج کے نکلنے کے بعد بھی اس گھر کا حج اور عمرہ کیا جائے گا۔“ [صحيح الجامع الصغير وزيادته/حرف اللام./حدیث: 5361]

(نبی کریم صلی اللہ علیہ وسلم نے فرمایا:)
”میری امت میں سے کچھ لوگ میری شفاعت سے جہنم سے نکالے جائیں گے، انہیں 'جہنمی' کہا جائے گا۔“ [صحيح الجامع الصغير وزيادته/حرف اللام./حدیث: 5362]

(نبی کریم صلی اللہ علیہ وسلم نے فرمایا:)
”ایک ایسے شخص کی شفاعت سے، جو نبی نہیں ہے، ربیعہ اور مضر جیسے دو قبیلوں کے برابر لوگ جنت میں داخل ہوں گے، میں تو بس وہی کہتا ہوں جو کہتا ہوں۔“ [صحيح الجامع الصغير وزيادته/حرف اللام./حدیث: 5363]

(نبی کریم صلی اللہ علیہ وسلم نے فرمایا:)
”میری امت کے ایک شخص کی شفاعت سے بنی تمیم قبیلے سے بھی زیادہ لوگ جنت میں داخل ہوں گے۔“ [صحيح الجامع الصغير وزيادته/حرف اللام./حدیث: 5364]

(نبی کریم صلی اللہ علیہ وسلم نے فرمایا:)
”میری امت میں سے ستر ہزار یا سات لاکھ لوگ جنت میں داخل ہوں گے، وہ ایک دوسرے کا ہاتھ پکڑے ہوئے ہوں گے، ان میں سے پہلا اس وقت تک داخل نہیں ہوگا جب تک ان کا آخری فرد داخل نہ ہو جائے، ان کے چہرے چودھویں رات کے چاند کی طرح روشن ہوں گے۔“ [صحيح الجامع الصغير وزيادته/حرف اللام./حدیث: 5365]